2. Samuel 24:13 - O Debleskro Lab 2024 (Sinte-Manouche)

¹³ Yaake vas o Gad pash o Davideste oun penas leske kova, oun poučas lestar: “Kameh tou, te vell triin bersh i bari bok an tiro them? Kameh, te nashess triin čon kolendar krik, kay kamenn tout te marell oun lenn tout palla? Kameh, te vell triin divessa i baro nasslepen an tiro them? Kanna mouk kova an tiro shero trouyel te djal! Palle pen mange, hoy me ap koleste penap, kay bičras man!”

O Debleskro Drom 2021 (Sinte)

¹³ Jaake was o Gad pash o Davideste un penas leske kowa, un putchas lestar: “Kameh tu, te well triin bersh i bari bok an tiro them? Kameh, te nashess triin tchon kolendar krik, kai kamenn tut te marell un lenn tut palla? Kameh, te well triin diwessa i baro nasslepen an tiro them? Kanna muk kowa an tiro shero trujel te djal! Palle pen mange, hoi me ap koleste penap, kai bitchras man!”

2. Samuel 24:13 Iomraidhean Croise

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

2. Samuel 24:12

“Dja pash o Davideste oun pen leske: Kava penell o baro Devel: Triin koova penau touke. Rode touke yek vin, oun kova krau me touke.”

2. Rajengro liil 8:1

O Elisa rakras kol djouvyah, kay kras lo lakro čaves djido, oun penas: “Dja krik tire menshentsa an i vavar them, te djivess koy! O baro Devel moukell i tsiro te vell an kava them, kay bokenn i menshe efta bersha.”

1. Familjakro liil 21:12

“Kameh tou, te vell triin bersh i bari bok? Kameh, te nashess triin čon kolendar krik, kay kamenn tout te marell oun lenn tout o rhareha palla? Kameh, te vell triin divessa i baro nasslepen an o them? Kava nasslepen hi o baro Debleskro rharo, oun leskro bolepaskro marell boud menshen an o tselo them Israel. Kanna mouk kova an tiro shero trouyel te djal! Palle pen mange, hoy me ap koleste penap, kay bičras man!”

Debleskri gili 91:6

vitar gar glan ko nasslepen, hoy čorrhanes an i rat vell, vitar gar glan ko čilačepen, hoy ap o dives marell.

2. Mose 7:25

Oun efta divessa djan trouyel pal ko dives, kay o baro Devel ap o pani Nil das.

Ezekiel 14:13

Tou, mensho, djiness, te phagenn i menshe an yek them mantsa, oun rikrenn bouder gar ap mande, dau me len i phagi. Oun krau, te hi len bouder gar doha maro. Oun bičrau i bok an o them, te merenn i menshe oun i firhe i bokatar.

3. Mose 26:20

T'mari phari boudi hi čičeske. Ap t'mari harhetikri phoub vell či bares. Oun i rouka an o them hidjrenn kek roukengre.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

Louka 4:25

Čačepah, me penau t'menge: Ap ko tsiro, kay o Debleskro rakepaskro Eliya djivas, djivan boud djouvya, kolengre morsha moulo hi, an o them Israel. Ap ko tsiro das triin-te-paash bersha kek brishin. Oun i bari bok vas an o tselo them.

5. Mose 28:22

Yob bičrell t'men savo nasslepen, hoy rhal t'men pre, t'maro mass vell lolo oun tato, oun i fibro rhačell an t'mende. Oun yob rikrell o brishin pale an t'maro them. Oun i tato dourho krell, te vell o djob nasselo oun merell tele. Oun kova halauter vell pral t'mende bis te moulo han.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.

5. Mose 28:27

O baro Devel bičrell t'men savo nasslepen, hoy lo glan i rah tsiro i Egiptaryen das: I djoungelo nasslepen vell ap t'maro mass, doukepen phagell pre, oun t'maro mass rhačell oun rhandjrell. Oun kek drab hi koy, hoy nay krell t'men sasto.

5. Mose 28:35

O baro Devel krell, te phagell djoungelo doukepen pre ap t'mare herya. Ava, t'mare pirendar bis ap t'mare sherya han pherdo doukepen, oun nay venn gar sasto kolestar.

5. Mose 28:52

Oun yon čivenn pen troul t'mare forya, oun moukenn kekes dren oun kekes vin, bis te kol bare oun zorele foryengre massurya tele phagedo hi, kolendar t'mer patsan, te vell kek vergel. Kova krenn le t'mare tsele foryentsa an t'maro tselo them, hoy t'maro baro Devel t'men das.

1. Samuel 25:17

Oun kanna dik, hoy tou gomme nay kreh! Te vell či kerdo, palle vell i bibarht pral maro rayeste oun leskro tselo kheer. Ko patsau zoreles. Yob hi sau čilačo mensho, te nay rakrell yek leha gar.”