2. Samuel 24:1 - O Debleskro Lab 2024 (Sinte-Manouche)

¹ Oun o baro Devel vas pale rhoyedo ap o Israel. Oun yob kras, te anell o David bibarht ap kol menshende an Israel, oun penas leske: “Dja koy oun hatse vin, har boud morsha hi an Israel oun an Youda!”

O Debleskro Drom 2021 (Sinte)

¹ Un o baro Dewel was pale chojedo ap o Israel. Un job kras, te anell o David bibacht ap kol menshende an Israel, un penas leske: “Dja koi un hatse win, har bud mursha hi an Israel un an Juda!”

2. Samuel 24:1 Iomraidhean Croise

1. Mose 45:5

Kanna hounte khaytell t'men kova gar, kay bikran man! Rhoyrenn t'men gar pral kova! O Devel bičras man glan t'mende kay, te merenn i menshe gar i bokatar.

1. Mose 50:20

T'mer kaman te krenn mange čilačepen. O Devel las peske glan, te krell lo lauter mishto, yaake har hi kava dives: Boud menshe ačan djido.

2. Samuel 12:11

Yaake penell o baro Devel: Me moukau bibarht pral toute te vell, hoy vell dran tiri familya. Oun kamau tire romyen toutar krik te lell glan tire yaka, oun dau len i vavareste, te sovell kova pash lende mashkral ap o dives.

2. Samuel 16:10

“Abishay”, penas o baro ray, “kova hi gar t'maro koova, t'mer čave foun i Serouya. Te penas o baro Devel leske, te praasell lo man, koon nay penell kanna: Hoske kreh tou kova?”

2. Rajengro liil 3:6

Oun sik djas ko baro ray Yoram dran Samaria vin oun las peskre tsele lourden dran Israel khetne,

1. Familjakro liil 21:1

Oun o beng kamas čilačepen te krell ap i menshende Israel. Yaake das lo o Davideske an o dji, te hatsell lo vin, har boud morsha an Israel hi, kay nay djan an o kourepen.

1. Familjakro liil 7:2

O Tola: Leskre čave his: o Usi, o Refaya, o Yeriel, o Yamay, o Yibsam, oun o Samuel. Kolla his pralstoune pral pengre familye oun bare kourepangre. An o tsiro, kay o David djivas, his kolla, kay van pal o Tola, 22.600 morsha. Yaake his dren činlo an i familyakro liil.

1. Familjakro liil 7:40

Kolla halauter his čave o morshestar Asser. Yon his pralstoune pral pengre familye, vi-rodede zorele kourepangre, lače pralstoune. Lendar van 26.000 morsha, kay his kourepangre oun dren činlo an i familyakro liil.

2. Familjakro liil 32:25

Har o Hiskiya sasto vas, vas lo pre-phourdo oun das o baro Debleste ko lačepen gar pale, hoy kova ap leste kras. Doleske vas o baro Devel rhoyedo pral leste oun pral o them Youda oun pral o foro Yerusalem.

2. Mose 7:3

Me kamau leskro dji har i bar te krell, yaake te nay krap boud baro koova an o tselo them Egiptia, te sikrap miri bari zoor.

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

Ezekiel 20:25

Oun ninna dom len čačepaskre laba, hoy či-moldo his, oun hoy anan lenge kek djipen.

3. Mose 10:6

O Mose penas ap o Aron oun koleskre vavar douy čavende, o Elazar oun o Itamar: “Moukenn t'mare phralen, kol vavar Israelitaryen, te rovenn le kolenge, kay o baro Devel koy yagah maras. T'mer hounte moukenn gar t'mare balla ap t'maro shero divyes trouyel čiddo, oun hounte tserdenn gar t'mare koola an kotya, te sikrenn, har phares t'mare djia hi. Te krenn kova, hounte merenn. Oun o baro Debleskri rholi vell pral o tselo kheer Israel.

4. Mose 1:19

Kova kran le an o moulo tato them Sinay yaake har o baro Devel ap o Moseste penas.

Bičepangre 4:28

Yaake kran yon kova, hoy tou glan i rah tsiro penal, te vell kova lauter yaake.

2. Tessalonikarja 2:11

Yon patsan gar o čačepen. Doleske moukell len o Devel an ko rhorhepen te perell. Doleske moukell lo len kol rhorhene laba te patsell.

Čačepangre 2:14

Kote tapras o baro Debles i bari rholi pral i Israelitarya. Oun yob das len an o vast kolendar, kay len vi-čorenn. Oun ninna moukas lo len an i vasta kol menshendar te perell, kay troul lende djivenn oun lenge o djipen phares kran. Yaake his i Israelitarya bouder gar zoreles doha, te denn le kolen pale, kay ap lende djan.

Čačepangre 2:20

Kote rhačras i rholi o baro Deblestar pral o Israel pre. Oun yob penas: “Kal čilače menshe rikran pen gar ap mire laba, hoy me lengre phourende dom, oun shounan gar ap mande.

1. Samuel 26:19

Oun kanna, miro ray oun pralstouno, shoun ap i laba, hoy me, tiro boudepaskro, rakrau. Te anas o baro Devel tout ap mande pre, palle vell leske i rhapen rhačedo, te djal leskri rholi krik. Te anan tout menshe ap mande pre, mou vell o Debleskri bibarht ap lende! Yon tradenn man vin dran o baro Debleskro them. Kova hi yaake har te penans le: Dja an i vavar them, oun mange vavar deblen an!