2. Samuel 23:18 - O Debleskro Lab 2024 (Sinte-Manouche)

¹⁸ O Abishay, koleskro phraal o Yoab hi, oun kolengri day i Serouya hi, kova his ko pralstouno kol triin-deshendar. O Abishay las leskro vitsepaskro čouri, oun das triin-sheel lourden moulo, oun les his i baro lab mank kol triin-deshende.

O Debleskro Drom 2021 (Sinte)

¹⁸ O Abishai, koleskro phraal o Joab hi, un kolengri dai i Zeruja hi, kowa his ko pralstuno kol triin-deshendar. O Abishai las leskro witsepaskro tchuri, un das triin-sheel lurden mulo, un les his i baro lab mank kol triin-deshende.

2. Samuel 23:18 Iomraidhean Croise

2. Samuel 10:10

Kol vavar lourden čivas yob tel o vast peskro phralestar Abishay, te kourenn pen kolla kolentsa dran o them Ammon.

2. Samuel 10:14

Har kol Ammonarya dikan, kay kol Syrarya nashan, nashan yon ninna glan o Abishay an o foro dren. Koy moukas o Yoab tele kol lourdendar dran o them Ammon, oun vas an o foro Yerusalem.

2. Samuel 18:2

Pral kolla lauter čivas yob triin lourdengre rayen, hakenes pral i triinto kotar kol lourdendar. Kolla triin his: o Yoab, leskro phraal o Abishay, koleskri day i Serouya hi, oun o Itay dran Gat. Oun o baro ray penas ap i lourdende: “Me kamau t'mentsa an o kourepen te djal.”

2. Samuel 2:18

Koy pashel his ninna kol triin phrala, kolengri day i Serouya his: o Yoab, o Abishay, oun o Asahel. O Asahel his sik har i vesheskri bouzni ap peskre herya.

2. Samuel 20:10

O Amasa das gar yak ap koy čouri an o Yoabeskro servo vast. Kova das les ko čouryeha an o per čourye, yaake kay leskre bouke ap i phoub peran. Oun das les gar i douyto kopo čourye. Oun yob meras. Oun o Yoab oun leskro phraal Abishay lan o Shebaes palla.

2. Samuel 23:19

Oun yob vas boudeder an-diklo har kol vavar kol triin-deshendar, oun his lengro pralstouno. Yaake an-diklo har kol triin, his yob gar.

2. Samuel 3:30

Oun o Yoab oun leskro phraal Abishay maran o Abneres doleske, kay yob lengro phrales Asahel an o kourepen pash Gibeon moulo das.

1. Familjakro liil 2:16

Oun lengre phenya his: i Serouya oun i Abigal. Oun i čave foun i Serouya his: o Abishay oun o Yoab oun o Asahel; khetne his le triin.

Sikepaskro 4:12

Yek te hi lo kokres, nay vell sik khetne dino. Douy te hi khetne, nay venn le zorleder har kova, kay djal ap lende pre. Triin pesse thaba krenn i dori, hoy djal gar sik paash.