2. Samuel 21:22 - O Debleskro Lab 2024 (Sinte-Manouche)

²² Kolla star his bare morsha oun djivan an o foro Gat. Oun kolla van moulo dino o Davidestar oun leskre lourdendar.

O Debleskro Drom 2021 (Sinte)

²² Kolla star his bare mursha un djiwan an o foro Gat. Un kolla wan mulo dino o Davidestar un leskre lurdendar.

2. Samuel 21:22 Iomraidhean Croise

2. Samuel 21:16

Koy his mank i Filistarya i baro morsh, bareder har i vavar. Leskro lab his Yishbi-Benob. Koleskri lengsti čouri his boudeder har triin kilogramme pharo. Ninna his les i nevo rharo dran saster. Kova kamas o Davides moulo te dell.

2. Samuel 21:21

Oun yob praasas o Israel. Oun o Yonatan, koleskro dad o Shimea his, das les moulo. O Shimea his i phraal o Davidestar.

1. Familjakro liil 20:8

Kolla his bare morsha oun djivan an o foro Gat. Oun kolla van moulo dino o Davidestar oun leskre lourdendar.

Debleskri gili 108:13

Ab tou ap mari rig oun le men vin dran i čilače vasta! Te hi menshe ap mari rig, hi kova čičeske oun či moldo.

Debleskri gili 118:15

Shoun koy gili, hoy givenn o Debleskre menshe barhteles an pengre khera: “O baro Devel hi o zorleder. Yob hi o zorleder an o kourepen.

Debleskri gili 60:12

Koon nay krell kova, har tou kokres, maro Devel? Tou moukal men oun djah gar vin mare lourdentsa an o kourepen.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Remarja 8:37

O Yezous Kristo, kay kamell men o tselo djiyestar, yob krell men zoreles an lauter kova hoy ap mende vella.

Josua 14:12

Oun kanna de man kol berge, kolendar o baro Devel an ko dives rakras! Tou shounal an ko dives, te djivenn kol Anakarya koy an bare zorele forya. Te hi o baro Devel mantsa, palle nay tradap len vin, har o baro Devel kova penas.”