2. Samuel 21:14 - O Debleskro Lab 2024 (Sinte-Manouche)

¹⁴ Oun yon paskran len khetne i kokale o Saulestar oun leskro čavestar Yonatan an ko them Benyamin, an o gab Zela, an o moulengro kheer peskro dadestar Kish. Oun yon kran lauter yaake har o baro ray David penas. Pal kova his o baro Devel pale kamlo ap ko them.

O Debleskro Drom 2021 (Sinte)

¹⁴ Un jon paskran len khetne i kokale o Saulestar un leskro tchawestar Jonatan an ko them Benjamin, an o gab Zela, an o mulengro kheer peskro dadestar Kish. Un jon kran lauter jaake har o baro rai David penas. Pal kowa his o baro Dewel pale kamlo ap ko them.

2. Samuel 21:14 Iomraidhean Croise

2. Samuel 21:13

Oun o David anas len foun kotar koy pral. Oun ninna lan le kol tsele kokale kolendar khetne, kay van pre-bladedo.

2. Samuel 24:25

Oun o David kras koy o baro Debleske i rhačepaskri oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun o baro Devel dikas pale lačes ap ko them Israel. Oun ko nasslepen djas kol menshendar pale krik.

2. Samuel 3:32

Oun har o Abner paskedo vas an o foro Hebron, rovas o baro ray zoreles pash o moulengro kheer, kay o Abner dren čiddo vas. Ninna i tsele menshe rovan.

2. Samuel 4:12

Oun o David penas ap peskre lourdende: “Denn len moulo!” Kolla dan len moulo, oun dan lengre vasta oun herya tele. Oun pandan len pre pash o pani an o foro Hebron! O shero foun o Ish-Boshet lan yon oun paskran kova an o moulengro kheer, kay o Abner paskedo hi an o foro Hebron.

Jona 1:15

Oun yon lan o Yona oun vitsran les an o baro pani. Kote vas ko baro pani ap yek kopo pokones oun his bouder gar divyo.

Zakarie 6:8

Palle das o bolepaskro gole ap mande: “Kol graya, kay djan ap o servo drom, hoy djal an o them Babilonia, kolla kran, hoy o baro Devel kote kamas te krell.”

4. Mose 25:13

oun doleske vess tou oun tire čave pal toute hako tsireske mire rashaya. Tiro dji rhačas tiro Debleske oun tou kral, te vas kol Israelenge i doosh krik lino.”

4. Mose 25:8

oun djas pal kol Israelitari an leskri isema, oun das an kol douyende khetne dren čourye, an ko morsheste, kay vell dran Israel oun an koy djouvel. Koy heras ko nasslepen pre, hoy ap i Israelitarya čiddo his.

Josua 18:28

Zela, Elef, oun ko foro, kay djivan i Yebousarya, hoy hi kanna Yerusalem, ninna i forya Gibea oun Kiryat-Yearim. Kolla hi khetne 14 (deesh-te-star) forya oun lengre gaba. Kava hi o them, hoy lan i familye dran o kheer Benyamin.

Josua 7:26

Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.

1. Samuel 10:2

Tou te djah touke kanna mandar, palle veh tou pash o gab Selsa kote, kay i Rachel paskedo hi an o them Benyamin. Oun kote venna douy morsha ap o drom, kay touke penenna: Kol esle van hatslo, kolen tou rodal. Kanna krell pes tiro dad daar t'menge oun bouder gar kol eslenge. Yob poučell pes, kay nay hatsell lo peskro čaves.