2. Samuel 21:12 - O Debleskro Lab 2024 (Sinte-Manouche)

¹² Oun o David djas koy, oun las o Sauleskre kokale oun kol kokale peskro čavestar Yonatan, hoy pash kol menshende Yabesh an Gilead his. Kolla lan len čorrhanes krik kotar, kay i Filistarya len pre bladan ap i platsa an Bet-Shean, pal kova, kay yon len maran ap koy berga Gilboa.

O Debleskro Drom 2021 (Sinte)

¹² Un o David djas koi, un las o Sauleskre kokale un kol kokale peskro tchawestar Jonatan, hoi pash kol menshende Jabesh an Gilead his. Kolla lan len tchorchanes krik kotar, kai i Filistarja len pre bladan ap i platsa an Bet-Shean, pal kowa, kai jon len maran ap koi berga Gilboa.

2. Samuel 21:12 Iomraidhean Croise

2. Samuel 1:21

T'mer berge Gilboa: Kek sapanepen oun kek brishin te vell ap t'mende! Kek djob te vell baro ap t'mari phoub! Kol shilte mare čače morshendar hi kote čiddo. Ava, o Sauleskro shilto hi bouder gar dren maklo o djeteha.

2. Samuel 1:6

Ko terno morsh penas: “Me vom ap koy berga Gilboa. Koy dikom, har o Saul paash ap peskro vitsepaskro čouri pre-čiddo his. Oun kol kourepangre, kay ap kol vourdya tardo his, djan zoreles ap leste.

2. Samuel 2:4

Oun kol morsha dran o them Youda van, oun makan o Davides dren o djeteha, te vell yob baro ray pral ko kheer Youda. Oun har o Davideske penlo vas, kay kol morsha dran o foro Yabesh an o them Gilead o Saules paskran,

2. Samuel 21:11

Oun o Davideske vas penlo, hoy kras o Sauleskri douyti romni, i Rizpa, kolakro dad o Aya his.

2. Samuel 21:13

Oun o David anas len foun kotar koy pral. Oun ninna lan le kol tsele kokale kolendar khetne, kay van pre-bladedo.

1. Familjakro liil 10:1

I Filistarya maran pen i Israelentsa. Oun i Israelitarya nashan glan lende, oun boud lendar van ap i berga Gilboa moulo dino.

1. Familjakro liil 10:12

kran pen i tsele čače morsha ap o drom, oun lan o moulo Saules oun leskre moule čaven, oun anan len an o foro Yabesh, oun paskran len tel ko baro rouk pash o foro Yabesh, oun rhan či efta divessa.

1. Familjakro liil 10:8

Oun ap ko dives pal o kourepen van i Filistarya, te randenn le lauter kolendar, kay kote moulo čiddo hi. Oun koy pashel hatsan le o Saules oun leskre čaven moules ap koy berga Gilboa čiddo.

Josua 17:11

An kol douy themma Asser oun Issakar his forya čiddo, kolla van o Manasseske dino. Kal forya his: Bet-Shean, Yibleam oun Dor, hoy kharell ninna Nafot-Dor; palle En-Dor, Taanak oun Megiddo. Koy pashel his kol gaba, hoy his troul kal forya čiddo.

1. Samuel 28:4

Har kanna i Filistarya khetne van, oun čivan pengre plarhtene khera pre pash o foro Shounem, koy moukas o Saul i tsele Israelengre morshen khetne te vell. Oun yon čivan pengre plarhtene khera pre ap koy berga Gilboa.

1. Samuel 31:1

I Filistarya maran pen i Israelentsa. Oun i Israelitarya nashan glan lende, oun boud lendar van ap i berga Gilboa moulo dino.

1. Samuel 31:3

Oun o marepen troul o Saul vas zorleder oun zorleder. Oun i kourepangre, kay denn i faylentsa karye, hatsan les oun doukran les phares.

1. Samuel 31:4

Oun yob penas ap koleste, kay leskro kourepaskro koova hidjrell: “Le tiro rharo oun de man moulo, yaake te venn gar kalla pash mande, kay gar činle hi ap pengro mass, oun denn man moulo, oun krenn mantsa, hoy yon kamenn!” Oun ko lourdo, kay leskro kourepaskro koova hidjrell, kamas gar. Les his bari daar. Kote las o Saul o rharo, oun moukas pes an leste perell.