2. Samuel 20:10 - O Debleskro Lab 2024 (Sinte-Manouche)

¹⁰ O Amasa das gar yak ap koy čouri an o Yoabeskro servo vast. Kova das les ko čouryeha an o per čourye, yaake kay leskre bouke ap i phoub peran. Oun das les gar i douyto kopo čourye. Oun yob meras. Oun o Yoab oun leskro phraal Abishay lan o Shebaes palla.

O Debleskro Drom 2021 (Sinte)

¹⁰ O Amasa das gar jak ap koi tchuri an o Joabeskro serwo wast. Kowa das les ko tchurjeha an o per tchurje, jaake kai leskre buke ap i phub peran. Un das les gar i duito kopo tchurje. Un job meras. Un o Joab un leskro phraal Abishai lan o Shebaes palla.

2. Samuel 20:10 Iomraidhean Croise

1. Mose 4:8

O Kayn penas ap peskro phraleste Abel: “Am! Djas vin ap o them!” Oun har yon vin ap o them his, hadas pes o Kayn ap peskro phraleste Abel oun das les moulo.

2. Samuel 2:23

O Asahel kamas gar peskre vasta lestar te moukell. Koy das o Abner les peskri vitsepaskri čourye an o per, yaake kay vas kova pal pale vin. Oun o Asahel peras oun meras ap koy platsa. Oun koon koy vas, kay o Asahel moulo čiddo hi, ačas tardo.

2. Samuel 20:9

Oun o Yoab penas ap o Amasa: “Har djal touke, miro phraal?” Oun o Yoab tapras o čačo vasteha o Amaseskri čor, te čoumrell lo les.

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

1. Familjakro liil 12:2

Len his boge oun fayle, oun hayvan mishto i faylentsa karye te dell. Kova nay kran le pengro čačo vasteha oun pengro servo vasteha. Kalla hi i laba kolendar, kay van pash o Davideste dran o kheer Benyamin, kay ninna o Saul dran vas:

Jeremia 41:2

Oun o Ismael stas khetne peskre deesh morshentsa pre, kay pash leste his, oun dan o Gedalya o rhareha moulo, koles o baro ray dran o them Babilonia pral o them čivas.

4. Mose 35:20

Te das yek i vavares dran rholi i ladini oder vitsras čorrhanes čomone ap leste, te meras kova,

Čačepangre 3:15

Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Oun kova his o Ehoud, leskro dad his o Gera, i Benyaminari. O Ehoud his i morsh, kay i servo vasteskro hi. Oun i Israelitarya bičran les, te anell yob lengre love o baro rayeske pral o them Moab, kol love, hoy yon hounte leske dan.

Čačepangre 3:21

Oun o Ehoud las peskro servo vasteha peskro rharo, hoy ap peskri čači rig his, oun das les o baro rayeske an o per čourye.

1. Samuel 26:8

Oun o Abishay penas ap o David: “Kava dives das o Devel tout koles an tiro vast, kay kamell tout te marell. Yaake mouk man leskro vitsepaskro čouri te lell, oun les an i phoub te dell. Yek dap hi doha. I douyto kopo hounte dap me gar bouder čourye.”