2. Samuel 2:7 - O Debleskro Lab 2024 (Sinte-Manouche)

⁷ Avenn zorele oun čače morsha! O Saul, t'maro ray, hi moulo. Oun i morsha dran o kheer Youda makan man o djeteha dren, te vap baro ray pral lende.”

O Debleskro Drom 2021 (Sinte)

⁷ Awenn sorele un tchatche mursha! O Saul, tumaro rai, hi mulo. Un i mursha dran o kheer Juda makan man o djeteha dren, te wap baro rai pral lende.”

2. Samuel 2:7 Iomraidhean Croise

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

2. Samuel 10:12

Ma dare, te ačas mer gar kol zorleder! Kouras men mare menshenge oun kol foryenge maro Deblestar! O baro Devel krella, hoy mishto hi an leskre yaka.”

2. Samuel 2:6

Yaake mou krell ninna t'menge o baro Devel peskro dji pre, oun vell hako tsiro t'menge koy! Oun ninna me kamau lačepen ap t'mende te krell, kay kran t'mer kova.

2. Samuel 2:8

O Sauleskro pralstouno lourdo, o Abner, koleskro dad o Ner hi, kova las o Sauleskro čaves Ish-Boshet, oun anas les an o foro Mahanayim,

2. Samuel 5:3

Har kol tsele phoureder dran Israel pash o baro rayeste an o foro Hebron his, kras kote o baro ray David lentsa vin, te vell lo lengro baro ray. Oun yon dan ap o baro Debleste gole, te shounell yob kova. Oun yon čoran djet pral o Davideskro shero, te vell yob baro ray pral o Israel.

2. Rajengro liil 11:12

Palle moukas o Yoyada o baro rayeskro čaves vin te vell, te nay dikell les hakeno, oun čivas leske koy rayeskri stadi ap o shero, oun das les ko liil, kay činlo hi, hoy te krell lo. Oun čoras djet pral leskro shero, te vell lo baro ray. Koy dan le halauter an i vasta oun dan gole: O baro ray te djivella!

Nehemia 2:18

Oun me penom lenge ninna, har lačes miro Devel ap miri rig vas, oun hoy o baro ray Artaxerxes ap mande penas. Kote penan le: “Avenn, kras men ap i boudi, te čivas lauter pale pre!” Oun yon kran yek o vavareske i vasta zoreles, te krenn le koy lači boudi.

1. Korintarja 16:13

Denn garda, te ačenn an o patsepen! Ma trashenn! Ačenn zoreles!

Efesarja 6:10

Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

1. Samuel 31:12

kran pen i tsele čače morsha ap o drom, oun djan i tseli rat oun van an Bet-Shean, oun lan o moulo Saules oun leskre moule čaven koy massouri tele, oun anan len an o foro Yabesh pale. Oun kote rhačran le len.

1. Samuel 31:7

Har shounan kol Israelitarya, kay djivan vergel i tala Yesreel oun vergel o pani Yordan, te nashan penge i Israelengre lourde, oun kay meras o Saul oun leskre čave, kote nashan yon dran pengre forya oun nashan penge ninna. Oun i Filistarya van koy oun djivan an kol forya.

1. Samuel 4:9

Avenn zorele t'mer Filistarya! Kourenn t'men har čače morsha, te perenn gar an i Israelengre vasta! Te venn yon i zorleder pral t'mende, hounte boudrenn t'mer lenge yaake, har yon hounte boudran menge. Avenn kanna morsha oun kourenn t'men!”