2. Samuel 2:23 - O Debleskro Lab 2024 (Sinte-Manouche)

²³ O Asahel kamas gar peskre vasta lestar te moukell. Koy das o Abner les peskri vitsepaskri čourye an o per, yaake kay vas kova pal pale vin. Oun o Asahel peras oun meras ap koy platsa. Oun koon koy vas, kay o Asahel moulo čiddo hi, ačas tardo.

O Debleskro Drom 2021 (Sinte)

²³ O Asahel kamas gar peskre wasta lestar te mukell. Koi das o Abner les peskri witsepaskri tchurje an o per, jaake kai was kowa pal pale win. Un o Asahel peras un meras ap koi platsa. Un koon koi was, kai o Asahel mulo tchiddo hi, atchas tardo.

2. Samuel 2:23 Iomraidhean Croise

2. Samuel 2:24

Oun o Yoab oun o Abishay lan o Abneres palla. Oun o kham djas tele, har van le pash koy tikni berga Amma, kay glan Gia tardo hi, ap ko drom, kay djal an ko moulo them Gibeon.

2. Samuel 20:10

O Amasa das gar yak ap koy čouri an o Yoabeskro servo vast. Kova das les ko čouryeha an o per čourye, yaake kay leskre bouke ap i phoub peran. Oun das les gar i douyto kopo čourye. Oun yob meras. Oun o Yoab oun leskro phraal Abishay lan o Shebaes palla.

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

2. Samuel 3:30

Oun o Yoab oun leskro phraal Abishay maran o Abneres doleske, kay yob lengro phrales Asahel an o kourepen pash Gibeon moulo das.

2. Samuel 4:6

Oun yon djan mashkral an o kheer har te lans le djob,

2. Samuel 5:6

O baro ray djas peskre lourdentsa glan o foro Yerusalem, te kourell lo pes i menshentsa Yebous, kay djivan an ko them. Kolla penan ap o Davideste: “Tou veh kay gar dren. I korele oun i bange rikrenn tout pale.” Yaake kaman yon te penell, kay vell o David kay gar dren.