2. Samuel 2:1 - O Debleskro Lab 2024 (Sinte-Manouche)

¹ Pal kova poučas o David o baro Deblestar: “Djap me an yek kol foryendar an o them Youda, te ačap kote?” Oun o baro Devel penas ap leste: “Dja koy!” Oun o David poučas: “An havo foro?” Penas o Devel: “An Hebron.”

O Debleskro Drom 2021 (Sinte)

¹ Pal kowa putchas o David o baro Deblestar: “Djap me an jek kol forjendar an o them Juda, te atchap kote?” Un o baro Dewel penas ap leste: “Dja koi!” Un o David putchas: “An hawo foro?” Penas o Dewel: “An Hebron.”

2. Samuel 2:1 Iomraidhean Croise

1. Mose 13:18

Oun o Abram djas peskre plarhtene kherentsa trouyel, oun vas pash o foro Hebron oun ačas tel i bare rouka ko morshestar Mamre. Oun kote kras yob i rhačepaskri o baro Debleske, kay venn firhe leske rhačedo.

1. Mose 32:2

Oun o Yakob djas doureder. Oun o Debleskre bolepangre tapran les ap o drom.

2. Samuel 15:7

Pal star bersha penas o Absalom ap o baro rayeste: “Me kamau an o foro Hebron te djal, te dap o baro Debleste kova, hoy dom man sovel, te dap les.

2. Samuel 2:11

Ko tsiro, kay o David baro ray his pral o kheer Youda, oun an o foro Hebron djivas, kova his efta bersha oun shob čon.

2. Samuel 5:19

O David poučas o baro Deblestar: “Djap me pral pash kol Filistarya? Kameh len an mire vasta te dell?” Oun o baro Devel penas ap o Davideste: “Dja pral! Me dau kol Filistaryen an tire vasta.”

2. Samuel 5:23

Oun o David poučas o baro Deblestar, oun kova penas: “Tou djas gar pral glan lende. Tou vess palla pral lende oun vess pral lende koy rigyatar, kay i balsamtikre rouka čidde hi.

1. Rajengro liil 2:11

Ko tsiro, kay o David o baro ray his pral o Israel his star-deesh bersha. An ko tsiro djivas lo an o foro Hebron efta bersha, oun an o foro Yerusalem triyanda-te-triin bersha.

1. Familjakro liil 29:7

dan le pendar o Debleskro khereske: 5.000 centnarya sonakay, 10.000 sonakangre kotya, 10.000 centnarya roup, 18.000 centnarya lolo saster oun 100.000 centnarya vavar saster.

2. Familjakro liil 11:10

Zora, Ayalon oun Hebron. Kolla his i zorele forya an i themma Youda oun Benyamin.

Debleskri gili 143:8

Ap i tsalla mouk man tiro lačepen te shounell. Me dikau ap toute. Sike man havo drom me hounte djap. Miro dji nashell pal toute.

Debleskri gili 27:4

Yek koova mangau miro baro Deblestar, kova kamaus me lestar, te nay ačoms an leskro kheer yaake rah har me djivau, te nay dikap o tselo tsiro leskro shoukapen, oun nay poučap pal leskro kamlepen an leskro kheer.

Ezekiel 36:37

Kava penell o baro Devel, maro ray: Ninna kova krau i menshenge dran o kheer Israel: Te mangenn le mandar, moukau lendar yaake boud te vell, har hi len bakre.

4. Mose 13:22

Oun yon djan an o them Negev, oun van bis pash o foro Hebron. Kote djivas o Ahiman oun o Sheshay oun o Talmay, kolengro dad o Anak his. O foro Hebron vas nevo kerdo efta bersha glan o foro Soan an o them Egiptia.

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

Josua 15:13

Oun o Yosua das o Kalebes peskro foro mashkral dren an o them Youda, yaake har o baro Devel ap o Yosua penas, te krell lo kova. Kava foro kharas Arba, oun kharell kanna Hebron. O Arba his o phouro dad kol menshendar, kay kharenn Anakarya.

Čačepangre 1:1

Oun har o Yosua meras, poučan i Israelitarya o baro Debles: “Koon mendar djal glanstounes an o kourepen i menshentsa an o them Kanaan?”

1. Samuel 10:22

Oun yon poučan o baro Deblestar: “Vas ko morsh kay?” Oun o baro Devel penas: “Yob khatras pes ap i platsa, kay i koola hi.”

1. Samuel 23:2

Kote poučas o David o baro Deblestar: “Djap me pre ap kol Filistarya?” Oun o baro Devel penas: “Dja ap lende! Tou mareh len oun leh o foro Kehila dran lengre vasta vin.”

1. Samuel 23:4

Kote poučas o David gomme i douyto kopo o baro Debles, oun o baro Devel penas: “Ste pre oun dja an Kehila! Me kamau t'men i Filistaryen an t'maro vast te dell!”

1. Samuel 30:31

oun Hebron, oun an kol tsele gaba, kay o David peskre morshentsa dren oun vin djas.