2. Samuel 19:9 - O Debleskro Lab 2024 (Sinte-Manouche)

⁹ Koy stas o baro ray pre, oun beshas pes an o baro voudar. Oun i tsele lourdenge vas penlo: “Shounenn, o baro ray hi an o baro voudar beshdo!” Koy van le lauter glan o baro rayeste. O Absalomeskre lourde nashan penge, hakeno an peskro kheer.

O Debleskro Drom 2021 (Sinte)

⁹ Koi stas o baro rai pre, un beshas pes an o baro wudar. Un i tsele lurdenge was penlo: “Shunenn, o baro rai hi an o baro wudar beshdo!” Koi wan le lauter glan o baro rajeste. O Absalomeskre lurde nashan penge, hakeno an peskro kheer.

2. Samuel 19:9 Iomraidhean Croise

2. Samuel 15:14

O David penas ap peskre an-dikle morshende, kay pash leste an o foro Yerusalem his: “Nashas menge! Mer nay tserdah men gar kokres dran o Absalomeskre vasta. Krenn sik, te ham krik, te vell lo! Te taprell lo men, anell lo bibarht pral mende, oun dell kol menshen an o foro o rhareha moulo!”

2. Samuel 18:17

Oun yon lan o Absalomes oun vitsran les an o veesh an i bari rheb, oun čivan boud barra ap leste. Oun o Absalomeskre lourde nashan penge, hakeno an peskro kheer.

2. Samuel 19:10

Oun an o tselo them Israel čingran pen i menshe oun penan: “O baro ray David las men dran i čilače vasta vin, ninna dran i vasta kol Filistarendar, oun nashas kanna hounte dran o them, krik o Absalomestar.

2. Samuel 19:40

Oun har kol tsele menshe vergel o pani Yordan djan, oun o baro ray ninna ap i vavar rig his, tapras yob o Barsillayes trouyel, oun rakras o Debleskri barht pral leste vin. Oun kova djas pale khere.

2. Samuel 22:44

Tou lal man vin dran o čingepen mire menshentsa, oun kral man o ray pral i menshende dran vavar themma, Menshe, kolen me gar prindjrom, boudrenn mange.

2. Samuel 5:20

Oun o David vas an Baal-Perazim, oun kote das lo i Filistaryen, oun penas: “Yaake har i zorelo pani peske i drom krell, kras mange o baro Devel i drom mashkral kolende, kay kaman mange čilačepen.” Doleske kharell koy platsa “Baal-Perazim.”

Debleskri gili 18:43

Oun me dom len khetne, dom len tiknes har čik, hoy i baro dourho krik phourdell. Har čik čorom len vin ap o drom.

2. Mose 32:24

Me poučom: Kones hi sonakay? Yaake lan le pengro sonakay tele oun dan les mande. Me lom ko sonakay oun čivom les an i yag, oun hoy vin vas, his ko terno gouroum.”

1. Samuel 17:50

Yaake his o David o zorleder. Oun les his kokres i vitsepaskri oun i bar. Oun leskro bar tapras o Goliates oun das les moulo. O Davides his kek rharo an peskro vast.

1. Samuel 18:25

Oun o Saul penas: Yaake penenn ap o David: “O baro ray kamell či vavares, hoy hounte dess leskro čake, har o morshkano mass sheel moule Filistarendar. Yob kamell lenge o čilačepen pale te dell, hoy le ap leste kran.” Čačepah kamas o Saul te perell o David an o vast i Filistarendar, oun yon te denn les moulo.

1. Samuel 19:5

Yob dikas gar ap peskro djipen, har djas lo koy oun kouras pes o Filistareha oun das les moulo. Yaake te las o baro Devel o tselo Israel dran i vasta i Filistarendar. Oun tou dikal kova oun hals barhtelo. Hoske kameh tou doosh ap toute te anell oun i rat yekestar, koles kek doosh ap peste hi? Hoske kameh tou o Davides moulo te dell čičeske?”