2. Samuel 19:5 - O Debleskro Lab 2024 (Sinte-Manouche)

⁵ O baro ray čakras peskro mouy, oun das zoreles gole: “Mo čavo Absalom, Absalom, mo čavo, mo čavo!”

O Debleskro Drom 2021 (Sinte)

⁵ O baro rai tchakras peskro mui, un das soreles gole: “Mo tchawo Absalom, Absalom, mo tchawo, mo tchawo!”

2. Samuel 19:5 Iomraidhean Croise

2. Samuel 15:30

O David djas ap o djeteskri berga oun rovas. Oun leskro shero his čakedo. Oun yob djas pirkenes. Ninna kol tsele menshe, kay hi pash leste, kolengro shero his čakedo. Yon djan pre oun rovan.

2. Samuel 18:17

Oun yon lan o Absalomes oun vitsran les an o veesh an i bari rheb, oun čivan boud barra ap leste. Oun o Absalomeskre lourde nashan penge, hakeno an peskro kheer.

2. Samuel 19:13

T'mer han mire phrala, miro mass oun rat. Hoske moukenn t'mer kol tsele vavaren glan t'mende pash o baro rayeste te vell, te lenn le les pale pale?”

2. Samuel 19:4

Oun i lourde tserdan pen pale an o foro har lourde, kay dran o kourepen krik nashan oun hounte ladjenn pen doleske.

2. Samuel 19:6

O Yoab vas pash o baro rayeste an o kheer oun penas: “Tou anal kay dives ladj pral tire tsele lourdende, pral kolende, kay kouran pen touke oun lan tiro djipen dran o merepen vin, ninna o djipen tire čavendar oun čendar, tire romyendar oun vavar djouvyendar.

2. Samuel 3:39

Ninna te makan yon man djeteha dren, te vap baro ray, hom kava dives gar zorelo. Kal morsha, kolengri day i Serouya hi, hi zorleder har me. O baro Devel mou dell koles čilačepen pale, kay čilačepen kras!”

Nehemia 9:27

Doleske dal tou len an o vast kolendar, kay lenge i pharo djipen kran. Oun har len bari daar his, dan le gole ap toute. Oun tou shounal len dran o bolepen, oun kral tiro dji lenge pre, oun bičral lenge morshen, kay len vin lan dran i čilače vasta.

Debleskri gili 3:8

Ste pre, baro Devel, oun le man vin, mo Devel! Hakenes, kay ap mande djal, deh tou ap i čam. Ava, i čilačenge deh tou i danda paash.