2. Samuel 19:10 - O Debleskro Lab 2024 (Sinte-Manouche)

¹⁰ Oun an o tselo them Israel čingran pen i menshe oun penan: “O baro ray David las men dran i čilače vasta vin, ninna dran i vasta kol Filistarendar, oun nashas kanna hounte dran o them, krik o Absalomestar.

O Debleskro Drom 2021 (Sinte)

¹⁰ Un an o tselo them Israel tchingran pen i menshe un penan: “O baro rai David las men dran i tchilatche wasta win, ninna dran i wasta kol Filistarendar, un nashas kanna hunte dran o them, krik o Absalomestar.

2. Samuel 19:10 Iomraidhean Croise

2. Samuel 15:14

O David penas ap peskre an-dikle morshende, kay pash leste an o foro Yerusalem his: “Nashas menge! Mer nay tserdah men gar kokres dran o Absalomeskre vasta. Krenn sik, te ham krik, te vell lo! Te taprell lo men, anell lo bibarht pral mende, oun dell kol menshen an o foro o rhareha moulo!”

2. Samuel 15:16

Oun o baro ray djas vin dran o foro Yerusalem, oun leskre romya, čave oun boudepangre djan leske palla. Kokres deesh peskre djouvyendar moukas o baro ray an o kheer, te denn yon garda koy pre.

2. Samuel 18:14

“Kamau gar te nashrap miro tsiro touha!” das o Yoab gole, oun las triin lengste sane čourya an peskro vast, oun das len o Absalomeske an o dji, har yob gomme djido ap o rouk bladedo his.

2. Samuel 19:11

O Absalom, koles kay kamam, te vell yob baro ray pral mende, kova vas maredo an o kourepen. Hoske krenn t'mer či kanna, oun lenn o baro rayes gar pale pale?”

2. Samuel 19:40

Oun har kol tsele menshe vergel o pani Yordan djan, oun o baro ray ninna ap i vavar rig his, tapras yob o Barsillayes trouyel, oun rakras o Debleskri barht pral leste vin. Oun kova djas pale khere.

2. Samuel 19:9

Koy stas o baro ray pre, oun beshas pes an o baro voudar. Oun i tsele lourdenge vas penlo: “Shounenn, o baro ray hi an o baro voudar beshdo!” Koy van le lauter glan o baro rayeste. O Absalomeskre lourde nashan penge, hakeno an peskro kheer.

Hosea 8:4

Yon kran penge bare rayen, kay gar mandar vi-rodede his. Pralstoune čivan le pral pende, oun poučan man gar. Dran lengro roup oun sonakay krenn le penge rhorhene debla – yaake nashenn le an pengri bibarht.

Čačepangre 18:9

Oun yon penan: “Avenn! Djas pre te kouras men i menshentsa an Layish! Mer dikam ko them. Kova hi i lačo them. Hoske han gomme beshdo kay oun krenn či? Stenn pre, sik, te djas pre, oun las ko them dren!