2. Samuel 18:9 - O Debleskro Lab 2024 (Sinte-Manouche)

⁹ O Absalom vas gar dour o Davideskre lourdendar. Oun yob klissas ap i maultikri bourika. Oun har koy bourika tel i baro rouk boud kashtentsa vas, ačas lo peskre ballentsa an ko rouk bladedo. Oun yob his mashkral i phoub oun o bolepen bladedo, oun leskri bourika djas mashkral leskre herya krik.

O Debleskro Drom 2021 (Sinte)

⁹ O Absalom was gar dur o Davideskre lurdendar. Un job klissas ap i maultikri burika. Un har koi burika tel i baro ruk bud kashtentsa was, atchas lo peskre ballentsa an ko ruk bladedo. Un job his mashkral i phub un o bolepen bladedo, un leskri burika djas mashkral leskre herja krik.

2. Samuel 18:9 Iomraidhean Croise

2. Samuel 13:29

Yaake kran o Absalomeskre lourde o Amnoneha har o Absalom lenge penas. Koy stan i vavar čave o baro rayestar pre, oun hakeno beshas pes ap peskri maultikri bourika, oun klissan penge.

2. Samuel 14:26

Leskre balla his yaake pharo, te moukas lo len hako bersh yek kopo te činell. Palle his leskro tele-činlo bal panč founto pharo. Yek founto his yaake boud har yek founto an o baro rayeskro kheer phares his.

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

2. Samuel 18:10

Oun yek morsh dikas kova. Oun yob penas kova o Yoabeske oun penas: “Shoun, me dikom o Absalomes ap i baro rouk bladedo.”

2. Samuel 18:14

“Kamau gar te nashrap miro tsiro touha!” das o Yoab gole, oun las triin lengste sane čourya an peskro vast, oun das len o Absalomeske an o dji, har yob gomme djido ap o rouk bladedo his.

2. Samuel 18:8

Oun yon kouran pen an ko tselo them koy. Oun o veesh rhas ap ko dives boudeder menshen har o rharo rhas.

Hiob 31:3

Pral i čilačo vell bibarht, oun koleske, kay krell djoungelo koova, djal či mishto.

Gosewe laba 20:20

Kova, kay pral peskro dades oun peskri date bibarht vin rakrell, koleske djal har yek, koleskri momeli vin djal an i kali rat.

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

Jeremia 48:44

Kova kay nashell peske glan koy bari traash, kova perell an i rheb dren, oun kova kay nay stakrell dran i rheb vin, kova vell i doryentsa pandlo. Ava, ko bersh vella, kay dau i menshenge an o them Moab pengri phagi. Kova penell o baro Devel.

Mateo 27:5

Koy vitsras lo kol triyanda roupene beme an o Debleskro baro kheer, nashas lendar, čivas i dori troul peskri meen, oun tassras pes.

Markus 7:10

O Mose penas: Dik ap tiro dadeste oun ap tiri date, te djal lenge mishto! Oun ninna penas o Mose: Koon ap peskro dadeste oun ap peskri date i bibarht anella, kova hounte merella!

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

5. Mose 21:23

palle ačell ko moulo gar pral i rat ap ko kashteste. Na-a, yob hounte vell paskedo ap ko emligo dives, te vell ko them gar pale-čiddo, hoy t'maro baro Devel t'men dell. Pash leste hi kova praasedo, kay hi pre-pandlo ap i kasht.

5. Mose 27:16

“Praasedo vell kova, hoy ap peskro dadeste oun peskri date tele dikell!” Oun i tsele menshe hounte penenn: Amen!

5. Mose 27:20

“Praasedo vell kova, hoy i romyah peskro dadestar sovell, oun yaake ladj ap peskro dadeste anell.” Oun i tsele menshe hounte penenn: Amen!