2. Samuel 18:18 - O Debleskro Lab 2024 (Sinte-Manouche)

¹⁸ Har o Absalom djivas, penas lo: “Man hi kek čavo, kay rikrell miro lab djido, te merell miro lab gar vin.” Doleske čivas lo peske i baro bar pre oun das ko bar peskro lab. Oun yaake kharell ko bar bis kay dives O Absalomeskro bar. Kova hi ap o baro rayeskro them tardo.

O Debleskro Drom 2021 (Sinte)

¹⁸ Har o Absalom djiwas, penas lo: “Man hi kek tchawo, kai rikrell miro lab djido, te merell miro lab gar win.” Doleske tchiwas lo peske i baro bar pre un das ko bar peskro lab. Un jaake kharell ko bar bis kai diwes ‘O Absalomeskro bar’. Kowa hi ap o baro rajeskro them tardo.

2. Samuel 18:18 Iomraidhean Croise

1. Mose 11:4

Oun yon penan: “Avenn, mer krah menge i foro oun i baro kheer, hoy djal an o bolepen. Yaake sikrah hakeneske, har baro mer ham. Oun mer ačah khetne an ko them.”

1. Mose 11:9

Doleske kharell ko foro Babel. Kote kras o baro Devel, kay yek i vavareskro rakepen bouder gar hayvella. Yaake kras yob, te ačan le koy bouder gar khetne oun hounte djan dran yek them an i vavar pral i tseli phoub.

1. Mose 14:17

Yaake das o Abram o baro rayes Kedor-Laomer oun kol bare rayen, kay pash leste his. Koy pal djas o Abram khere. Ap o drom khere an i tala Shave vas o ray pral o foro Sodom pash leste. Koy tala kharella ninna Rayeskri tala.

2. Samuel 14:27

O Absalomes his triin čave oun yek čay. Koya kharas Tamar, oun his i shoukar čay.

Debleskri gili 109:13

Kre, te merenn kolla vin, kay pal leste venna. Leskre čavengre čaven venn kek čave bouder, yaake te vell lengro lab bistedo.

Debleskri gili 49:11

Na-a, mer dikah: O gosevo hounte merell, yaake har o narvelo oun o dinelo ninna. Oun lauter, hoy len his, hounte moukenn le pale i vavarenge.

Jesaja 22:16

Koneske rikreh tout? Oun koon dell tout o čačepen, te moukeh tou touke kate i moulengro kheer te krell, oun moukell les an i baro bar vin te dell, yek kheer, hoy baro hi oun dour an i bar djal.

Jeremia 22:30

Kova penell o baro Devel: An ko liil, kay o bare rayengre laba dren činlo venna, činenn kava morsheskro lab yaake, har te vals yob kek čaventsa, oun koleske či mishto djas an peskro tselo djipen. Kek leskre čavendar vell baro ray pral o them Youda oun beshdo ap o Davideskri beshepaskri.

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

4. Mose 32:42

O Noba djas koy, oun las o foro Kenat peske dren oun kol gaba trouyel, oun das les ko lab Noba, yaake har yob kharell.

1. Samuel 15:12

Oun o Samuel stas sik taysarlakro pre, te djas lo pash o Saul. Oun leske vas penlo, te vas o Saul an o foro Karmel, oun moukas peske kote barra pre te čivell, hoy sikrenn, te vas yob o zorleder pral i Amalekarya. Oun o Samueleske vas ninna penlo, te djas o Saul doureder oun vas tele an o foro Gilgal.