2. Samuel 18:17 - O Debleskro Lab 2024 (Sinte-Manouche)

¹⁷ Oun yon lan o Absalomes oun vitsran les an o veesh an i bari rheb, oun čivan boud barra ap leste. Oun o Absalomeskre lourde nashan penge, hakeno an peskro kheer.

O Debleskro Drom 2021 (Sinte)

¹⁷ Un jon lan o Absalomes un witsran les an o weesh an i bari cheb, un tchiwan bud barra ap leste. Un o Absalomeskre lurde nashan penge, hakeno an peskro kheer.

2. Samuel 18:17 Iomraidhean Croise

2. Samuel 19:5

O baro ray čakras peskro mouy, oun das zoreles gole: “Mo čavo Absalom, Absalom, mo čavo, mo čavo!”

2. Samuel 19:8

Ste kanna pre! Oun am vin, oun rake tire lourdentsa kamles. Me dau man sovel ap o baro Debleste: Te veh tou gar vin, ačell kek morsh kay rati pash toute. Kova vals touke djoungleder har ko tselo vavar djoungelo koova, hoy pral toute vas, foun ko tsiro, kay tikno hals bis kanna.”

2. Samuel 19:9

Koy stas o baro ray pre, oun beshas pes an o baro voudar. Oun i tsele lourdenge vas penlo: “Shounenn, o baro ray hi an o baro voudar beshdo!” Koy van le lauter glan o baro rayeste. O Absalomeskre lourde nashan penge, hakeno an peskro kheer.

2. Samuel 20:1

Kova his yaake, kay koy an Gilgal i morsh his, kay či-moldo his. Leskro lab his Sheba. Leskro dad his o Bikri i menshendar Benyamin. O Sheba phourdas an i phourdepaskri oun penas: “T'mer morsha dran Israel! O David hi gar mare menshendar. Men hi či te krell o Isayeskro čaveha. Hakeno t'mendar te djal an peskro kheer!”

2. Samuel 20:22

Oun koy djouvel rakras goseves kol tsele menshentsa an o foro. Oun yon dan o Shebaeske o shero tele, oun vitsran o sheres pash o Yoab vin. Koy phourdas yob an i phourdepaskri, oun djas peskre lourdentsa kava forestar krik. Oun i lourde djan hakeno pale an peskro kheer. Oun o Yoab vas pale an o foro Yerusalem pash o baro rayeste.

2. Rajengro liil 14:12

Oun i morsha dran Youda van i morshendar dran Israel dino. Oun yon nashan penge, hakeno an peskro kheer.

2. Rajengro liil 8:21

Koy djas o Yoram peskre kourepangre vourdyentsa an o them Edom, oun vas pash o foro Zayr. Kote djan i Edomarya troul lende oun pandan len dren. An i rati djas lo khetne i pralstunentsa, kay ap i vourdya his, ap i Edomarya pre oun das len. Leskre lourde nashan an pengre plarhtene khera.

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

5. Mose 21:20

Oun penenn ap lende: “Kava hi maro morsh čavo. Yob hi bipandlo, oun krell halauter pal peskro shero, oun shounell gar ap mende. Yob hi i pipaskro oun i rhapaskro.”

5. Mose 21:21

Oun i tsele morsha dran ko foro hounte vitsrenn barra ap leste, bis te hi lo moulo. Yaake vitsrenn t'mer o čilačepen dran t'mende vin. Oun i tsele Israelitarya hounte shounenn kolestar oun darenn.

Josua 10:27

Oun har o kham tele djas, penas o Yosua, te lenn le len pale kol roukendar tele. Oun yon vitsran len an koy grotta, kay khatran le pen. Oun čivan bare barra koy glan. Oun kol barra hi gomme kava dives koy.

Josua 7:26

Oun yon čivan boud barra ap lende pre. Kolla hi gomme kava dives koy. Doleske kharell kay platsa gomme kava dives Tala Akor. Kanna his o baro Devel bouder gar rhoyedo.

Josua 8:29

Oun o baro rayes o forestar Ai moukas lo ap i rouk pre te bladell. Bis ap i rat ačas yob ap i rouk. Oun har o kham tele djas, penas o Yosua, te lenn le ko moules o roukestar tele. Oun yon lan les tele oun vitsran les glan o foreskro baro voudar, oun čivan boud barra ap leste pre, hoy gomme kava dives koy hi.

1. Samuel 4:10

Oun i Filistarya maran pen i Israelentsa oun dan len. Oun i Israelitarya nashan penge, hakeno an peskro plarhteno kheer. Oun yon van phares dino, yaake phares, te meran lendar triyanda-zerya (30.000) morsha.