2. Samuel 17:25 - O Debleskro Lab 2024 (Sinte-Manouche)

²⁵ Oun o Absalom čivas o Amasa pral peskre lourdende. Glan kova his o Yoab lengro pralstouno. O Amasa his o čavo i morshestar ko labeha Yeter, i Israelitari. Leskri day his i Abigal. Lakro dad his o Nahash. Lakri pheen his i Serouya, kolakro čavo o Yoab hi.

O Debleskro Drom 2021 (Sinte)

²⁵ Un o Absalom tchiwas o Amasa pral peskre lurdende. Glan kowa his o Joab lengro pralstuno. O Amasa his o tchawo i murshestar ko labeha Jeter, i Israelitari. Leskri dai his i Abigail. Lakro dad his o Nahash. Lakri pheen his i Zeruja, kolakro tchawo o Joab hi.

2. Samuel 17:25 Iomraidhean Croise

2. Samuel 17:26

Oun o Absalom djas i morshentsa ap i berga Gilead. Oun kote čivan le pengre plarhtene khera pre.

2. Samuel 19:13

T'mer han mire phrala, miro mass oun rat. Hoske moukenn t'mer kol tsele vavaren glan t'mende pash o baro rayeste te vell, te lenn le les pale pale?”

2. Samuel 19:14

Oun ap o Amasa penenn: “Tou hal miro mass oun miro rat. Tou veh o pralstouno pral mire lourdende yaake rah har tou djiveh, oun bouder gar o Yoab. O Devel nay dell man i phagi, te krau me kova gar.”

2. Samuel 20:4

Oun o baro ray penas ap o Amasa: “De kol tsele morshen dran o them Youda khetne gole! An triin divessa vess lentsa kay tardo.”

1. Rajengro liil 2:28

Oun o Yoab shounas, hoy kote djas. An ko tsiro, har hadas pes o Absalom pral o Davideste, rikras o Yoab gar ap o Absalom. Kava kopo, har kamas o Adoniya baro ray te vell, čivas lo pes ap koleskri rig. Har yob kanna shounas, hoy kol morshentsa, o Adoniya oun o Abyatar, djas, kote nashas o Yoab sik an o baro Debleskro plarhteno kheer, oun tapras kote i shinga ap i rhačepaskri an.

1. Rajengro liil 2:5

Koy hi ninna čomone, hoy hounte penap touke: Tou djineh, hoy kras mange o Yoab, koleskri day i Serouya hi, har maras lo kol douy pralstoune lourden pral Israel: o Abner, koleskro dad o Ner hi, oun o Amasa, koleskro dad o Yeter hi. Yob maras len, har kek kourepen his, har te vals lo an o kourepen. Kol douy morshen his kek doosh ap pende. Oun o Yoab anas lengro rat pral peste.

1. Familjakro liil 12:19

Kote vas o Debleskro dourho pral o Amasay, ko pralstouno pral i triyanda zorele kourepangre, oun yob penas: David, tire ham mer! ap toute rikrah men, tou o Isayeskro čavo! Lačepen oun barht mou vell pral toute, oun ninna pral kolende, kay pash toute hi! Tiro Devel hi ap tiri rig! Koy las len o David pash peste, oun kras lendar pralstoune pral peskre lourdende.

1. Familjakro liil 2:13

Oun o Isay las čave: o phoureder his o Eliab, o douyto his o Abinadab, o Shimea his o triinto,