2. Samuel 17:22 - O Debleskro Lab 2024 (Sinte-Manouche)

²² Koy djas o David oun kol tsele menshe, kay pash leste hi, vergel o pani Yordan. Oun har taysarlakro vas, his le lauter ap i vavar rig. Kek lendar ačas pale.

O Debleskro Drom 2021 (Sinte)

²² Koi djas o David un kol tsele menshe, kai pash leste hi, wergel o pani Jordan. Un har taissarlakro was, his le lauter ap i wawar rig. Kek lendar atchas pale.

2. Samuel 17:22 Iomraidhean Croise

2. Samuel 17:21

Oun har yon krik his, van kol douy dran i brounna vin, oun djan koy, oun penan kova o baro rayeske David. “Dja sik vergel o pani”, penan le, oun ginan leske dren, have laba o Ahitofel penas, hoy te krenn le o Davideha.

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

2. Samuel 17:24

Oun o David vas an o foro Mahanayim. O Absalom djas vergel o pani Yordan, oun kol tsele morsha dran Israel djan leha.

Debleskri gili 42:6

Hoske rovell miro dji, oun hi yaake pharo an mande? Ap miro Debleste kamau te dikell. Me djinau, te vell i tsiro, kay sharau les, miro Debles, te vas lo ap miri rig.

Gosewe laba 27:12

Koles i gosevo dji hi, kova dikell i bibarht te vell, oun khatrell pes. Kolen či an o shero hi, kolla nashenn doureder, oun i bibarht vell ap lende.

4. Mose 31:49

oun penan ap leste: “Mer, tire boudepangre, lan pre, har boud lourde koy hi, kay men pral lende penepaske hi; oun halauter his koy.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Johanni 18:9

Kova penas o Yezous, te vell čačo, hoy yob glan-vi penas: “Tata, me nashrom kekes kolendar, kay tou man dal.”