2. Samuel 17:2 - O Debleskro Lab 2024 (Sinte-Manouche)

² Oun me kamau pral leste te perell, yaake rah har yob khino hi, oun an leskro dji kek zoor bouder hi. Palle lell lo traash, oun kol tsele lourde, kay pash leste hi, nashenna. Oun me kamau o baro rayes kokres moulo te dell,

O Debleskro Drom 2021 (Sinte)

² Un me kamau pral leste te perell, jaake rah har job khino hi, un an leskro dji kek soor buder hi. Palle lell lo traash, un kol tsele lurde, kai pash leste hi, nashenna. Un me kamau o baro rajes kokres mulo te dell,

2. Samuel 17:2 Iomraidhean Croise

2. Samuel 16:14

Oun o baro ray vas i tsele menshentsa, kay pash leste hi, khino pash o pani Yordan. Oun kote beshan pen le tele.

2. Samuel 17:1

Pal kova penas o Ahitofel ap o Absalom: “Me kamau 12.000 (deesh-te-douy-zerya) morshen vin rodell, oun lau o Davides palla an kay rati.

1. Rajengro liil 22:31

O ray o themestar Syria penas kol pralstunenge pral leskre vourdya – kolla his 32 (triyanda-te-douy) morsha: “Ma kourenn t'men i lourdentsa, gar i tiknentsa vitar gar i barentsa! Djan kokres ap o rayeste pral o them Israel pre!”

Nehemia 4:5

Kolla, kay mentsa čingepen rodan, penan yek ap o vavareste: “Mer kamah sik oun čorrhanes mank lende te vell, te dikenn le men gar, bis te mer mashkral lende vam. Palle dah len moulo. Yaake krah, te djal koy boudi gar bouder doureder.”

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Mateo 21:38

Har i harhe leskro čaves dikan, rakran le mashkral pende: Kova hi leskro čavo, kay lauter lella pal peskro dadeskro merepen. Avenn, maras les, te vell kava kotar them menge, hoy leske hounte vals.

Mateo 26:31

Kote penas o Yezous lenge: “Kay rati nashenn t'mer halauter mandar. An o Debleskro lab hi činlo: O Devel penella: Me dau o bakrengro rayes. Oun i bakre nashenn penge.

Johanni 11:50

T'mer hayvenna gar, kay feteder hi, te merell yek morsh i menshenge, har te djan i tsele menshe nashedo.”

5. Mose 25:18

Har hans khino ap o drom, djan le ap t'mende pre, oun dan kolen moulo, kay pale ačan, oun kek zoor bouder an lende his. Kol Amalekarya rikran penge gar o Debles glan i yaka.