2. Samuel 17:17 - O Debleskro Lab 2024 (Sinte-Manouche)

¹⁷ O Yonatan oun o Ahimaaz his tardo pash o pani, hoy kharell Rogel. Yon nay moukan pen gar an o foro te dikell. Oun i boudepaskretsa vas pash lende oun penas lenge, hoy yon hounte penenn o Davideske.

O Debleskro Drom 2021 (Sinte)

¹⁷ O Jonatan un o Ahimaaz his tardo pash o pani, hoi kharell Rogel. Jon nai mukan pen gar an o foro te dikell. Un i budepaskretsa was pash lende un penas lenge, hoi jon hunte penenn o Davideske.

2. Samuel 17:17 Iomraidhean Croise

2. Samuel 15:27

Oun o baro ray penas ap o rashayeste Zadok: “Tou oun o Abyatar, djan pale an o foro an o lačepen, tou oun tiro čavo, o Ahimaaz, oun o Abyatar oun leskro čavo, o Yonatan.

2. Samuel 15:35

Ninna kol rashaya, o Zadok oun o Abyatar, hi touha an o foro. Lauter, hoy tou dran o baro rayeskro kheer shouneh, peness tou kolende.

2. Samuel 15:36

Pash lende hi lengre douy čave, o Ahimaaz, oun o Yonatan. Kolla nay phoukrenn mange lauter, hoy t'mer shounenna.”

1. Rajengro liil 1:42

Har yob gomme rakras, vas o Yonatan, koleskro dad o rashay Abyatar hi. Oun o Adoniya penas ap leste: “Ab kate pash mande! Tou hal i morsh o labestar oun aneh menge lače laba.”

1. Rajengro liil 1:9

Oun o Adoniya kras i baro rhapen pash o bar, hoy kharell Sohelet pash o pani Rogel. Oun anas bakren oun groumyen oun thoulle terne groumyen o Debleske, [te venn leske kol feteder kotya mass rhačedo, oun te rhan le ko vavar mass.] Oun peskre phralenge, o baro rayeskre vavar čavenge, moukas lo te penell, te venn le pash o rhapen. Ninna i tsele vavar morshenge dran Youda, kay boudran an o baro rayeskro kheer, moukas lo te vell.

Josua 15:7

oun doureder an i tala Akor oun pral pash o foro Debir, oun doureder ap koy nordetikri rig pash o foro Gilgal. O foro Gilgal his čiddo ap i vavar rig o dromestar, hoy djas an i berga Adoummim. Kay berga hi ap koy rig foun i tala, kay o kham pralstounes hi. Oun ko drom, hoy sikras, har dour o them djal, djas foun o foro Gilgal doureder pash o pani En-Shemesh oun pash o pani, hoy kharell En-Rogel,

Josua 18:16

Oun kotar djas o drom tele glan i berga, hoy hadell pes glan i tala Hinnom. Kay berga hi čiddo ap i nordetikri rig ko telstouno themestar, hoy kharell Refayim. Palle djas o drom tele an i tala Hinnom oun doureder an i tala langs koy berga, kay ko foro čiddo hi, kay i Yebousarya djivan, ap koy rig i bergatar, kay o kham pralstounes hi. Foun kotar djal lo tele bis pash o pani En-Rogel,