2. Samuel 16:23 - O Debleskro Lab 2024 (Sinte-Manouche)

²³ An ko tsiro his i laba, hoy o Ahitofel rakras, yaake boud moldo har o Debleskre laba. O David oun o Absalom shounan ap lende, yaake har te poučans yon o Deblestar čomone, oun yob penals kava.

O Debleskro Drom 2021 (Sinte)

²³ An ko tsiro his i laba, hoi o Ahitofel rakras, jaake bud moldo har o Debleskre laba. O David un o Absalom shunan ap lende, jaake har te putchans jon o Deblestar tchomone, un job penals kawa.

2. Samuel 16:23 Iomraidhean Croise

2. Samuel 15:12

Oun o Absalom anas firhen, te venn le rhačedo o Debleske. An o foro Gilo djivas o Davideskro rakepaskro, o Ahitofel. Koles moukas o Absalom ninna pash peste te anell. Oun kol morsha, kay djan o Absalomeha, van boud oun boudeder. Yaake van kolla boud, kay čivan pen čorrhanes leha khetne.

2. Samuel 15:31

Oun har o Davideske penlo vas, kay o Ahitofel ap o Absalomeste rikrell, penas yob: “Baro Devel, kre te patsell hakeno, kay kova, hoy o Ahitofel penell, dinlepen hi!”

2. Samuel 17:1

Pal kova penas o Ahitofel ap o Absalom: “Me kamau 12.000 (deesh-te-douy-zerya) morshen vin rodell, oun lau o Davides palla an kay rati.

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

Hiob 28:28

Yob penas ap o mensheste: Savo mensho hi gosevo, kay rikrell pes o Debles glan i yaka pash kova, hoy lo krell. Savo mensho hayvas, har te djivell lo o gosevo djipen, kay rikrell pes pale o čilačepastar.

Hiob 5:12

Yob dell kova paash hoy penge kolla glan lan, kay kamenn i vavaren pral o kand te dell. Yaake nay krenn le či.

Debleskri gili 19:7

O kham djal pre ap koy yek rig o bolepastar, oun nashell peskro drom bis ap i vavar rig, oun glan leskro tatepen ačella či khatedo.

Debleskri gili 28:2

Shoun ap miro ropen! Shoun, har ap toute gole dau! Dik ap mire vasta, hoy me pre-hidjrau pash tiro kheer, kay tou hal!

Sikepaskro 10:1

Moule matsille an o soungepaskro djet krenn o lačo djet foulles. I tikno dinlepen nay krell o tselo gosvepen oun an-dikepen i menshestar paash.

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Jeremia 8:9

Kol goseve vitsran o Debleskro lab pal pende. Havo gosvepen ačell lenge? O dives vell, kay vell ladj oun daar pral lende. Yon venn tapedo oun pandles krik anlo.

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

Remarja 1:22

Kal menshe penenn pendar, te hi le gosevo. Dran kova peran le an o dinlepen.

1. Petro 4:11

Das tout o Devel gole, te rakress o Debleskro lab, palle rake o Debleskro lab! Das tout o Devel i zoor, te boudress i patslenge, palle kre kova an o Debleskri zoor! Yaake sharah mer o Debles an halauter, hoy o Yezous Kristo men das. Les hi o raylepen oun i zoor kanna oun hako tsiro. Amen!

1. Samuel 30:8

Oun o David poučas o baro Deblestar oun penas: “Lap me kol marepangren palla? Oun taprau len me palle?” Oun o baro Devel penas ap leste: “Le len palla! Oun tou tapreh len oun leh i pandlen dran lengre vasta vin!”