2. Samuel 15:23 - O Debleskro Lab 2024 (Sinte-Manouche)

²³ Oun lauter, kay pale ačan, rovan zoreles, har kol tsele lourde glan leste vergel djan. Oun o baro ray djas vergel ko tikno pani Kidron. Oun khetne leha djan kol tsele lourde doureder ap ko drom, kay djal an ko moulo them.

O Debleskro Drom 2021 (Sinte)

²³ Un lauter, kai pale atchan, rowan soreles, har kol tsele lurde glan leste wergel djan. Un o baro rai djas wergel ko tikno pani Kidron. Un khetne leha djan kol tsele lurde dureder ap ko drom, kai djal an ko mulo them.

2. Samuel 15:23 Iomraidhean Croise

2. Samuel 15:22

“Mishto”, penas o David. “Palle am oun dja glan mande vergel!” Koy djas o Itay, ko morsh dran Gat, glan leste vergel, ninna leskre tsele morsha oun kol tsele djouvya oun čave, kay pash lende his.

2. Samuel 15:28

Shoun, me kamau te ačell an o moulo them pash o pani Yordan, bis te shounau t'mendar.”

2. Samuel 16:2

Koy penas o baro ray ap o Siba: “Hoy kreh tou ko koveha?” Penas o Siba: “Miro baro ray, kol esle hi touke oun tire menshenge, te klissenn koy pre. Oun ko maro oun kol roukengre hi tire lourdenge rhapaske, oun koy mool pipaske, kolenge, kay venn khino an o moulo them.”

1. Rajengro liil 15:13

Oun ninna kras lo, te his leskri day, i Maaka, bouder gar i rani. Kova kras lo doleske, kay moukas li i djoungeli figura te krell, hoy i debletsa Ashera sikras. Oun o Asa das lakri djoungeli figura an kotya oun rhačras lat pash o pani Kidron.

1. Rajengro liil 2:37

Djin, an ko dives, kay tou djah vin oun nasheh pral o pani Kidron, hounte meress. An ko dives vell tiro rat pral toute.”

2. Familjakro liil 29:16

Oun i rashaya djan an o baro Debleskro kheer dren, te krenn le les djoudjo, oun anan ko tselo koova, hoy pale-čiddo his, vin ap i glanstouni platsa. Oun kote lan i Levitarya kova oun anan les vin pash o pani Kidron.

Jeremia 31:40

Oun koy tseli tala, kay i moule paskedo hi, oun i yagakri čik vin čoredo vas, tele bis pash o pani Kidron, pral bis pash o grayengro voudar, hoy ap koy rig hi, kay o kham pre djal, koy tseli tala hi o baro Debleske. Oun ko foro vell bouder gar tele phagedo oun paash kerdo – an kek tsiro.

Mateo 3:1

An ko tsiro vas i morsh an o moulo them an o them Youdea. Leskro lab his Yohanni. Yob hi kova, kay taufras i menshen.

Mateo 3:3

O Yohanni hi ko morsh, kolestar o Debleskro rakepaskro, o Yesaya, penas: Kote hi yek, kay an o moulo them gole della oun penella: Krenn o drom o Debleske, te nay vell lo pash i menshende! Lenn halauter krik, hoy o Debleske an o drom čiddo hi.

Louka 1:80

O Yohanni vas baro, oun hayvas hako dives feteder, hoy o Devel kamella. Oun yob djivas an o moulo them yaake rah, bis te vas ko dives, kay yob glan i menshende an Israel rakras.

Johanni 18:1

Har o Yezous kova penas, djas yob peskre malentsa vin. Oun yon djan vergel ko pani, hoy kharella Kidron. Koy his i baar. Koy dren djas o Yezous peskre malentsa.

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!