2. Samuel 15:18 - O Debleskro Lab 2024 (Sinte-Manouche)

¹⁸ Oun leskre tsele lourde djan ap leskre douy rigya, ninna i tsele Kretarya oun i tsele Pletarya. Kolla dran o foro Gat djan glan leste. Kolla his shob-sheel morsha, kay leske dran o foro Gat palla djan.

O Debleskro Drom 2021 (Sinte)

¹⁸ Un leskre tsele lurde djan ap leskre dui rigja, ninna i tsele Kretarja un i tsele Pletarja. Kolla dran o foro Gat djan glan leste. Kolla his shob-sheel mursha, kai leske dran o foro Gat palla djan.

2. Samuel 15:18 Iomraidhean Croise

2. Samuel 15:17

Oun har o baro ray oun kol tsele menshe, kay leske palla djan, vin van, ačan yon i kotar doureder tardo.

2. Samuel 18:2

Pral kolla lauter čivas yob triin lourdengre rayen, hakenes pral i triinto kotar kol lourdendar. Kolla triin his: o Yoab, leskro phraal o Abishay, koleskri day i Serouya hi, oun o Itay dran Gat. Oun o baro ray penas ap i lourdende: “Me kamau t'mentsa an o kourepen te djal.”

2. Samuel 20:23

O Yoab his o pralstouno pral kol tsele lourdende an Israel. Oun o Benaya, koleskro dad o Yoyada his, his o pralstouno pral kol Kretarya oun Pletarya.

2. Samuel 20:7

Koy djas o Abishay khetne o Yoabeha oun leskre lourdentsa vin dran o foro Yerusalem. Ninna i Kretarya oun i Pletarya oun kol tsele zorele kourepangre djan lentsa. Oun yon lan o Shebaes palla.

2. Samuel 6:10

Oun yob moukas les gar pash peste te anell an o Davideskro foro. Na-a, yob moukas les an ko kheer te anell, kay djivell o Obed-Edom. Kova his i morsh dran o foro Gat.

2. Samuel 8:18

O Benaya, koleskro dad o Yoyada hi, his o pralstouno pral kol Kretarya oun Pletarya, kay his troul o baro rayeste tardo, te denn le ap leste yak. Ninna o Davideskre čave his rashaya.

1. Rajengro liil 1:38

Oun o rashay Zadok, oun o Debleskro rakepaskro o Natan, oun o Benaya, koleskro dad o Yoyada his, oun i Kretarya oun i Pletarya djan tele oun moukan o Salomes te klissell ap i bourika o baro rayestar David, oun yon anan les pash o pani Gihon.

1. Familjakro liil 18:17

O Benaya, koleskro dad o Yoyada hi, his o pralstouno pral kol Kretarya oun Pletarya, kay his troul o baro rayeste tardo, te denn le ap leste yak. Oun o Davideskre čave his i glanstoune ap i rig o baro rayestar.

1. Samuel 23:13

Kote kras pes o David ap o drom khetne peskre morshentsa. Kolla his yaake shob-sheel morsha. Oun yon djan penge dran o foro Kehila, oun djan trouyel an o tselo them dran yek khatepen an o vavar. Oun o Sauleske vas penlo, te nashas o David peske dran o foro Kehila. Oun har yob kova shounas, moukas lo tele te djal an Kehila.

1. Samuel 25:13

Kote penas o David ap peskre morshende: “Hakeno pandell peskro rharo troul peste!” Oun yaake kran le. Oun o David čivas peskro rharo ninna trouyel. Oun yon djan pal o Davideste: yaake 400 (star-sheel) morsha. Oun 200 (douy-sheel) ačan pale ap i platsa, te denn le pre yak.

1. Samuel 27:3

Oun o David peskre morshentsa ačas pash o Akish an o foro Gat. Hakenes his peskri familya pash peste. O Davides his peskre douy romyen pash peste, i Ahinoam dran Yesreel, oun i Abigayil dran Karmel, kolakro rom o Nabal his.

1. Samuel 27:4

Oun har le o Sauleske penan, te nashas o David an o foro Gat, rodas yob les bouder gar.

1. Samuel 30:1

Oun har o David oun kol morsha, kay pash leste hi, pal triin divessa an o foro Siklag van, his o foro paash oun rhačedo. I Amalekarya peran dren an o them Negev oun ninna an o foro Siklag.

1. Samuel 30:14

Mer peram dren an o them Negev, kay i Kretarya djivenn, oun an o them Youda, oun an o them Negev, kay kolla djivenn, kay venn pal o Kaleb. Oun o foro Siklag rhačram pre.”

1. Samuel 30:9

Kote djas o David lenge palla khetne kol shob-sheel morshentsa, kay pash leste his. Oun har van le pash ko lengsto pani, hoy kharell Besor, ačan lendar douy-sheel morsha pale. Kolla his yaake khino, te nay djan le gar pral ko pani vergel. Kol vavar star-shelentsa nashas o David doureder oun las i Amalekaryen palla.