2. Samuel 15:16 - O Debleskro Lab 2024 (Sinte-Manouche)

¹⁶ Oun o baro ray djas vin dran o foro Yerusalem, oun leskre romya, čave oun boudepangre djan leske palla. Kokres deesh peskre djouvyendar moukas o baro ray an o kheer, te denn yon garda koy pre.

O Debleskro Drom 2021 (Sinte)

¹⁶ Un o baro rai djas win dran o foro Jerusalem, un leskre romja, tchawe un budepangre djan leske palla. Kokres deesh peskre djuwjendar mukas o baro rai an o kheer, te denn jon garda koi pre.

2. Samuel 15:16 Iomraidhean Croise

2. Samuel 12:11

Yaake penell o baro Devel: Me moukau bibarht pral toute te vell, hoy vell dran tiri familya. Oun kamau tire romyen toutar krik te lell glan tire yaka, oun dau len i vavareste, te sovell kova pash lende mashkral ap o dives.

2. Samuel 12:2

Ko braveles his boud bakre oun groumya.

2. Samuel 15:15

Koy penan o baro rayeskre an-dikle morsha ap leste: “Tou hal maro ray, oun mer ham tire boudepangre. Mer krah yaake har tou, baro ray, kameh.”

2. Samuel 15:17

Oun har o baro ray oun kol tsele menshe, kay leske palla djan, vin van, ačan yon i kotar doureder tardo.

2. Samuel 19:10

Oun an o tselo them Israel čingran pen i menshe oun penan: “O baro ray David las men dran i čilače vasta vin, ninna dran i vasta kol Filistarendar, oun nashas kanna hounte dran o them, krik o Absalomestar.

2. Samuel 20:3

Har o baro ray David khere vas an o foro Yerusalem, las yob peskre deesh vavar djouvyen, kay moukas lo koy, te denn le garda ap o kheer, oun anas len an i vavar kheer, hoy pandlo hi. Oun yob dikas, te djal lenge mishto. Dren pash lende djas lo gar. Yaake his yon dren klidedo, bis te yon meran, oun djivan har djouvya, kolengro rom meras.

Debleskri gili 3:1

I gili o Davidestar, hoy lo kras an ko tsiro, har hounte nashas lo peske glan peskro čaveste, o Absalom.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Čačepangre 4:10

Oun o Barak das i morshen gole dran i khera Zabulon oun Naftali, te venn le an o foro Kedesh khetne. Oun 10.000 (deesh-zerya) morsha djan leske palla. Oun ninna i Debora djas leha.

1. Samuel 25:27

Yaake mangau tout, miro ray, le kava koova an, hoy me, tiri boudepaskretsa, touke anom, te vell lauter kol morshende doureder dino, kay pash toute hi.

1. Samuel 25:42

Oun i Abigayil las sik lauter khetne, oun beshas pes ap i bourika. Oun lakre panč boudepangre djouvya djan lah. Oun yoy djas kol morshenge palla, kolen o David bičras, oun vas o Davideskri romni.