2. Samuel 15:14 - O Debleskro Lab 2024 (Sinte-Manouche)

¹⁴ O David penas ap peskre an-dikle morshende, kay pash leste an o foro Yerusalem his: “Nashas menge! Mer nay tserdah men gar kokres dran o Absalomeskre vasta. Krenn sik, te ham krik, te vell lo! Te taprell lo men, anell lo bibarht pral mende, oun dell kol menshen an o foro o rhareha moulo!”

O Debleskro Drom 2021 (Sinte)

¹⁴ O David penas ap peskre an-dikle murshende, kai pash leste an o foro Jerusalem his: “Nashas menge! Mer nai tserdah men gar kokres dran o Absalomeskre wasta. Krenn sik, te ham krik, te well lo! Te taprell lo men, anell lo bibacht pral mende, un dell kol menshen an o foro o chareha mulo!”

2. Samuel 15:14 Iomraidhean Croise

2. Samuel 12:11

Yaake penell o baro Devel: Me moukau bibarht pral toute te vell, hoy vell dran tiri familya. Oun kamau tire romyen toutar krik te lell glan tire yaka, oun dau len i vavareste, te sovell kova pash lende mashkral ap o dives.

2. Samuel 15:15

Koy penan o baro rayeskre an-dikle morsha ap leste: “Tou hal maro ray, oun mer ham tire boudepangre. Mer krah yaake har tou, baro ray, kameh.”

2. Samuel 19:10

Oun an o tselo them Israel čingran pen i menshe oun penan: “O baro ray David las men dran i čilače vasta vin, ninna dran i vasta kol Filistarendar, oun nashas kanna hounte dran o them, krik o Absalomestar.

2. Samuel 19:9

Koy stas o baro ray pre, oun beshas pes an o baro voudar. Oun i tsele lourdenge vas penlo: “Shounenn, o baro ray hi an o baro voudar beshdo!” Koy van le lauter glan o baro rayeste. O Absalomeskre lourde nashan penge, hakeno an peskro kheer.

Debleskri gili 51:18

Fiche, hoy anenn le touke, kameh gar. Te vals yaake, doms len toute. Fiche, hoy touke rhačedo venna, krenn tiro dji gar barhtelo.

Ezekiel 46:18

Oun o ray lell gar ko themestar, hoy i Israelenge dino vas, te ačell kova lenge. Yon hounte venn gar vin tradedo dran koleste, hoy lenge hi. Foun peskro, hoy leskro hi, dell o ray peskre čaven, te vell kova lenge. Kek mire menshendar hounte vell vin tradedo dran kova, hoy lenge hi.

Mateo 11:12

Har o Yohanni vas oun i menshen taufras, vas o Debleskro nevo tsiro. An kava tsiro dell o Devel i menshen pash peste gole, te djan le ap leskro drom. Oun bis kava dives kamenn čilače menshe i zoryah o Debleskri boudi paash te krell. Yon kamenn te vell len penepaske koy pral.

Louka 10:15

Oun t'mer menshe an o foro Kapernaum, patsenn t'mer, kay venn t'mer an o bolepen hadedo? Na-a! T'mer venna tele an o moulengro them vitsedo.”