2. Samuel 15:12 - O Debleskro Lab 2024 (Sinte-Manouche)

¹² Oun o Absalom anas firhen, te venn le rhačedo o Debleske. An o foro Gilo djivas o Davideskro rakepaskro, o Ahitofel. Koles moukas o Absalom ninna pash peste te anell. Oun kol morsha, kay djan o Absalomeha, van boud oun boudeder. Yaake van kolla boud, kay čivan pen čorrhanes leha khetne.

O Debleskro Drom 2021 (Sinte)

¹² Un o Absalom anas viechen, te wenn le chatchedo o Debleske. An o foro Gilo djiwas o Davideskro rakepaskro, o Ahitofel. Koles mukas o Absalom ninna pash peste te anell. Un kol mursha, kai djan o Absalomeha, wan bud un budeder. Jaake wan kolla bud, kai tchiwan pen tchorchanes leha khetne.

2. Samuel 15:12 Iomraidhean Croise

2. Samuel 15:31

Oun har o Davideske penlo vas, kay o Ahitofel ap o Absalomeste rikrell, penas yob: “Baro Devel, kre te patsell hakeno, kay kova, hoy o Ahitofel penell, dinlepen hi!”

2. Samuel 16:15

O Absalom oun kol tsele Israelitarya, kay pash leste hi, van an o foro Yerusalem. Oun o Ahitofel his ninna pash lende.

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

2. Samuel 23:34

o Elifelet, koleskro dad o Ahasbay hi, dran Maaka, o Eliam, koleskro dad o Ahitofel hi, dran Gilo,

1. Rajengro liil 21:12

Yon kharan i tsiro vin, kay rhan le či, oun moukan o Nabotes glanstounes te beshell.

1. Rajengro liil 21:9

Oun an i lila his tardo: “Kharenn i tsiro vin, kay rhan t'mer či! Oun anenn i tsele menshen an o foro khetne, oun moukenn o Nabotes glanstounes te beshell!

1. Familjakro liil 27:33

O Ahitofel his ninna yek, kay penas o baro rayeske, hoy vals mishto te krell. O Houshay i menshendar Arki, his o baro rayeskro maal.

Debleskri gili 41:10

Ninna miro lačeder maal, kova, kay mantsa khetne rhas, phoukras ap mande.

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

Jeremia 6:20

Me poučau či pal o soungepaskro koova dran o them Saba, oun pal ko goudlo soungepaskro djet, hoy vell dran i dour them. Kol firhe, hoy t'mer mange rhačrenna, kamau me gar. Oun ap kol firhe, hoy t'mer mange marenna, dikau gar lačes.

4. Mose 23:1

O Bileam penas ap o Balak: “Mouk kate ap efta platse barra pre te čivell, kay nay rhačrau firhen o Debleske, oun an mange efta terne gourma oun efta bakre!”

4. Mose 23:14

Oun yob anas les pash i phoub, hoy kharella dour dikepen, ap koy berga Pisga, oun kras efta rhačepangre, oun rhačras ap haki rhačepaskri o Debleske i terno gouroum oun i bakro.

4. Mose 23:30

O Balak kras, har o Bileam penas, oun rhačras ap haki rhačepaskri yek terno gouroum oun yek bakro.

Johanni 13:18

Kova penau me gar t'mendar halauterendar. Me djinau, kones me vin rodom. Kova hounte vell yaake, har an o Debleskro lab tardo hi: Kova, kay rhal kanna o maro mantsa, dell i ladini ap mande.

Tito 1:16

Yon penenn, te prindjrenn le o Debles. An lauter, hoy yon krenna, sikrenn le, kay yon les gar prindjrenna. Yon hi infam an o Debleskre yaka, oun kamenn gar ap leste te shounell. Yaake hi lauter, hoy yon krenna, či moldo.

Josua 15:51

Goshen, Holon oun Gilo. Kolla his khetne 11 (deesh-te-yek) forya, oun koy pashel lengre gaba.