2. Samuel 14:7 - O Debleskro Lab 2024 (Sinte-Manouche)

⁷ Oun kanna stan mire tsele menshe pre oun kamenn, te dap len koles, kay das peskro phrales moulo, te lenn le leskro djipen ko djipaske leskro phralestar, koles yob moulo das. Palle hi man bouder kek čavo, kay pal miro merepen lauter lella. Oun kova, kay mange pral ačas, hi ninna krik. Oun o lab miro romestar vell bistedo.”

O Debleskro Drom 2021 (Sinte)

⁷ Un kanna stan mire tsele menshe pre un kamenn, te dap len koles, kai das peskro phrales mulo, te lenn le leskro djipen ko djipaske leskro phralestar, koles job mulo das. Palle hi man buder kek tchawo, kai pal miro merepen lauter lella. Un kowa, kai mange pral atchas, hi ninna krik. Un o lab miro romestar well bistedo.”

2. Samuel 14:7 Iomraidhean Croise

1. Mose 27:45

oun yob bistras, hoy tou les kral. Palle bičrau yekes, kay anell tout pale. Hoske nashrap me t'men douyen ap yek dives?”

1. Mose 4:14

Tou tradeh man kava dives vin dran o them! Me hounte khatrap man glan toute. Man vella kek them, kay khere hom. Me hounte dap man trouyel. Hakeno, koon hatsell man, nay dell man moulo.”

2. Samuel 12:17

Koy van kol phoureder dran leskro kheer oun kaman les pre hadell i phoubyatar. Oun yob kamas gar, oun rhas vitar gar lentsa.

2. Samuel 14:8

Koy penas o baro ray ap koy romyate: “Dja khere! Me krau ko koova touke.”

4. Mose 35:19

Kova, kay les an peskre vasta hi, te anell lo o rat o moulo morshestar ap o marepaskro shero, kova hounte marell kol marepaskres. Kay yob les taprella, hounte dell lo les moulo.

Mateo 21:38

Har i harhe leskro čaves dikan, rakran le mashkral pende: Kova hi leskro čavo, kay lauter lella pal peskro dadeskro merepen. Avenn, maras les, te vell kava kotar them menge, hoy leske hounte vals.

5. Mose 25:6

Oun ko ersto čavo, koles yoy ap i phoub anell, kharell har ko phraal, kay meras, yaake te merell koleskro lab gar vin an Israel.