2. Samuel 14:14 - O Debleskro Lab 2024 (Sinte-Manouche)

¹⁴ Vell o tsiro, kay mer hounte meras halauter. Oun ham har pani, kay ap i phoub čoredo hi, oun hoy nay hadell kek bouder pre i phoubyatar. O Devel kamell gar o djipen krik te lell. Yob kamell gar te ačell kova, kay vas krik tradedo, ninna lestar krik.

O Debleskro Drom 2021 (Sinte)

¹⁴ Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

2. Samuel 14:14 Iomraidhean Croise

2. Samuel 11:25

O David penas ap ko bičepaskro: “Pen o Yoabeske: Kova hounte khaytell tout gar. O rharo rhal kanna kales oun i vavar kopo koles. Koure tout gomme zorleder ko foreha, oun kre les paash! Yaake peness tou ap leste, te lell yob pale zoor.”

2. Samuel 14:15

Mire menshe kran man traash. Doleske vom te rakrap touha, miro baro rayeha, pral ko koova. Me penom mange: Kamau o baro rayeha te rakrell. Kova nay vell yaake, te krell yob, hoy me, leskri boudepaskretsa, penau,

1. Rajengro liil 11:39

Yaake dau me o Davideskre čavende pengri phagi. Kay phagi ačell gar hako tsireske ap lende.”

Hiob 14:14

Te merell i mensho, vell lo palle pale djido? Palle bistroms, har djoungeles mange kanna djal, oun dikoms ap ko tsiro, kay mange feteder djal.

Hiob 30:23

Me djinau kanna, tou kameh man an o moulengro them te anell, kay i tsele djide khetne venn pal lengro merepen.

Hiob 34:15

palle merans halauter, hoy djivenn, ap yek kopo, oun o mensho vals pale čik.

Hiob 34:19

Yob dikell gar i pralstounes feteder an har i vavares, oun tserdell o braveles gar o čorveleske glan. Leskro vast kras len halauter.

Debleskri gili 22:14

Pengre bare mouya krenn le pre, oun denn bari gole ap mande har i levo glan peskro rhapen.

Debleskri gili 22:15

Miri zoor hi vin čoredo har pani, mire tsele kokale rikrenn bouder gar khetne, Miro dji nashras peskri zoor, har i momeli hoy tele rhačras.

Debleskri gili 58:7

De lenge i danda dren, miro Devel! Phage lengre levengre danda vin, miro baro Devel!

Debleskri gili 77:8

Bistras o baro Devel men hako tsireske? Vell lo menge bouder gar lačo?

Debleskri gili 79:3

Lengro rat nashas har pani troul o foro Yerusalem, oun kek his koy, kay len paskras.

Debleskri gili 90:10

Maro djipen hi 70 (efta-deesh) bersha, te hi boud, 80 (orhta-deesh) bersha. Oun kova, hoy menge shoukar his, hi či har boudi oun pharepen. Oun sikeder har sik hi lauter trouyel.

Debleskri gili 90:3

Tou penell menge: “Avenn pale, t'mer menshe!” Oun moukeh men pale čik te vell.

2. Mose 21:13

Te kamas lo les gar temerl te dell, oun o Devel moukas, te vas kova yaake, palle nay nashell lo an i foro, hoy o baro Devel vi-rodas save menshenge.

Sikepaskro 9:5

I djide djinenna, kay hounte merenn le, i moule djinenn či. Koleske, hoy le kran, vell len vitar bouder či. Bistedo hi le.

Ropaskre gilja 3:31

O baro Devel moukell men gar hako tsireske.

Ezekiel 18:23

Patsenn t'mer, an mire yaka vals mishto, te merell kova, kay čilačo koova kras? poučell o baro Devel, maro ray. Na-a, an mire yaka hi shoukar, te moukell lo peskro čilačo drom oun ačell djido.

3. Mose 26:40

Palle penenn yon, te his lengri doosh oun i doosh lengre phourendar, te rikran le gar ap mande oun sikran mange o doumo.

4. Mose 35:15

Kal shob forya hi kol Israelenge oun kol menshenge, kay pash t'mende djivenn, ninna te hi le gar t'mendar, te nay nashenn kolla kote, kay dan yekes moulo, oun kaman kova gar.

4. Mose 35:25

Oun i Israelitarya hounte lenn kava morshes vin dran o vast kolestar, kay kamell les te marell, oun hounte anenn les pale pale an ko foro, kay nashas lo peske dren. Oun yob hounte ačell koy, bis ko pralstouno rashay meras, kay vas o Debleskro djeteha dren maklo.

4. Mose 35:28

Ko naashepaskro hounte ačas an ko foro, bis te ko pralstouno rashay moulo hi. Pal leskro merepen nay djal yob khere an peskro them.

Mateo 22:16

Oun yon bičran pengre morshen pash leste. Lentsa djan ninna vavar morsha. Kolla his o Herodeskre mala. Oun yon penan ap leste: “Sikepaskro, mer djinah, tou peneh o čačepen, oun sikreh mishto i menshende o Debleskro drom. Tou rakreh kekeske pal o mouy, ninna te hi len boud penepaske.

Bičepangre 10:34

Oun o Petro penas: “Kanna hayvau me čačepah: O Devel dikell gar koy pre, have menshendar yek vella: te vell lo i biboldendar, – te vell lo kolendar, kay kek bibolde hi. Yob dikell lačes ap hakeneste, kay trashell lestar, oun kay krell o čačepen.

Remarja 2:11

O Devel dikell gar ap yekeste, koon yob hi.

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

Hebrearja 9:27

Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.