2. Samuel 13:3 - O Debleskro Lab 2024 (Sinte-Manouche)

³ O Amnones his i maal. Kova kharas Yonadab. Leskro dad his o Davideskro phraal Shimea. Oun ko Yonadab his i gosevo morsh.

O Debleskro Drom 2021 (Sinte)

³ O Amnones his i maal. Kowa kharas Jonadab. Leskro dad his o Davideskro phraal Shimea. Un ko Jonadab his i gosewo mursh.

2. Samuel 13:3 Iomraidhean Croise

1. Mose 3:1

O sap his gosveder har i tsele vavar firhe, hoy kras o baro Devel, maro ray. Oun o sap penas ap i romyate: “Penas o Devel čačepah, te hounte rhan gar i roukendar an i baar?”

1. Mose 38:1

Ap ko tsiro moukas o Youda peskre phralen oun djas tele pash i romeste dran Adullam. Leskro lab his Hira.

1. Mose 38:20

Oun o Youda bičras peskro males, ko Adullamari pash late, oun das les i terni bouzni peha lake, te lell yob kova latar pale, hoy o Youda lat das. Oun yob hatsas lat gar.

2. Samuel 13:2

I Tamar sovas kek morsheha. Oun o Amnon dikas kek drom, har te vals lo lah khetne. Kova doukas les yaake, kay nay vals yob nasselo.

2. Samuel 13:32

Koy penas o Yonadab, koleskro dad o Davideskro phraal Shimea hi: “Miro ray, ma pats, kay tire tsele morsh čave moulo hi! O Amnon kokres hi moulo. Leskro merepen kamas o Absalom yaake rah, har kova leskri phenyat an i bari ladj anas.

2. Samuel 13:4

Kova penas: “Hoske dikeh yaake nasseles vin, rayeskro čavo, hako dives boudeder? Kameh tou mange kova penell?” Koy penas o Amnon ap leste: “Me kamau i Tamarat o djiyestar, koy phenyat miro phralestar Absalom.”

2. Samuel 14:2

Oun yob bičras yekes an o gab Tekoa, oun moukas kotar i gosevi djouvyat te anell, oun penas ap late: “Kre yaake har te vals i djouvel, kay rovell pral yekeste, kay meras! Oun rib touke i kalo ripen an, oun mak tout gar o djeteha dren! Kre yaake har i djouvel krella, kay lake rah tsiro ropaske hi pral koleste, kay meras.

2. Samuel 21:21

Oun yob praasas o Israel. Oun o Yonatan, koleskro dad o Shimea his, das les moulo. O Shimea his i phraal o Davidestar.

1. Familjakro liil 2:13

Oun o Isay las čave: o phoureder his o Eliab, o douyto his o Abinadab, o Shimea his o triinto,

1. Familjakro liil 27:32

O Yonatan, o Davideskro kako, yob his i gosevo oun siklo morsh, kay djinas, hoy te krell. O Yehiel, koleskro dad o Hakmoni his, his pash o baro rayeskre čavende.

Ester 5:10

Yob rikras lat pale oun djas doureder an peskro kheer. Kote moukas lo peskre malen oun peskri romyat Seresh te vell.

Ester 5:14

Kote penas leskri romni Seresh oun leskre tsele mala ap leste: “Mouk i kasht pre te čivell, hoy hi i paash-sheel (50) moussya bares! Oun taysarlakro pen ap o baro rayeste, te moukell lo o Mordekayes ap ko kasht pre te bladell. Oun palle dja leha barhteles pash o rhapen.” Oun kol laba his o Hamaneske lačes, oun yob moukas savo kasht pre te čivell.

Ester 6:13

Oun yob penas peskri romyake, i Seresh, oun peskre tsele malenge, lauter hoy leske djas. Kote penan leskre mala oun leskri romni, i Seresh, ap leste: “Te peral tou kanna glan o Mordekay, koon i biboldendar hi, palle nay kreh tou bouder či khatar leste. Na-a, tou djah tele oun nashreh lauter.”

Gosewe laba 19:6

Boud makenn o braveleske gvin troul o mouy, oun hakeno hi o maal kolestar, kay dell čomone čičeske.

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

1. Korintarja 3:19

Kova, hoy pash i menshende gosvepen hi, hi an o Debleskre yaka dinlepen. An o Debleskro lab hi činlo: O Devel taprell kolen an lengro rhorhepen, kay penenn pendar, kay yon gosevo hi.

Jakobo 3:15

Savo gosvepen vell gar o Deblestar. Kova vell o menshestar oun o bengestar.

Čačepangre 14:20

Oun leskri romni vas leskro feteder maleste dino.

1. Samuel 16:11

Palle poučas o Samuel o Isayestar: “Hi kalla tire tsele morsh čave?” Yob penas: “O terneder lendar hi gomme gar koy. Kova hi vin oun dell yak ap i bakre.” Oun o Samuel penas ap o Isay: “Biče yekes koy, te anell lo les. Mer beshah gar te rhas, bis te yob kay hi.”

1. Samuel 16:9

Palle moukas o Isay o Shamma glan o Samuel te vell. Oun o baro Devel penas: “Ninna kales rodom me gar vin.”