2. Samuel 12:16 - O Debleskro Lab 2024 (Sinte-Manouche)

¹⁶ Oun o David rodas o Debles kol ternepaske oun rhas či. Oun te vas yob khere, his yob i tseli rati ap i phoub čiddo.

O Debleskro Drom 2021 (Sinte)

¹⁶ Un o David rodas o Debles kol ternepaske un chas tchi. Un te was job khere, his job i tseli rati ap i phub tchiddo.

2. Samuel 12:16 Iomraidhean Croise

2. Samuel 12:15

Oun o Natan djas khere. Oun o baro Devel moukas kol ternepas phares nasselo te vell, hoy o Uriyeskri romni o Davideske ap i phoub anas.

2. Samuel 12:22

Koy penas yob ap lende: “Har ko ternepen djivas, rhom oun piyom či oun rovom. Me penom mange: O baro Devel nay krell mange peskro dji pre, oun moukell ko ternepas te djivell.

2. Samuel 13:31

Koy stas o baro ray pre, oun kras peskre koola an kotya paash, oun čivas pes ap i phoub. Oun lauter kol boudepangre, kay troul leste tardo hi, kran ninna pengre koola an kotya paash.

1. Rajengro liil 21:27

Har shounas o Ahab kal laba, tserdas lo peskri plaashka an kotya, rivas peske i gono trouyel, rhas či, oun rakras bouder gar. Ninna o sopaske rivas lo o gono gar vin.

Nehemia 1:4

Oun har me kol laba shounom, beshom man koy oun rovom an bari douk boudeder divessa. Oun me rhom či, oun mangom o Debles an o bolepen,

Ester 4:16

“Dja koy oun de i tsele bibolden an o foro Susa khetne gole! Rhan oun piyenn triin divessa či, gar ap o dives, vitar gar an i rati. Krenn kova mange, te dikell o Devel lačes ap mande! Oun me oun kol djouvya, kay mange boudrenn, mer kamah kova ninna yaake te krell. Oun pal kova kamau pash o baro rayeste dren te djal, ninna te hi khatar o činlo lab. Oun te denn le man moulo, palle denn le man moulo.”

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 69:10

Kamau tiro kheer yaake boud, te rhačell miro dji an mande har i yag. Oun kolla, kay praasenn tout, praasenn man ninna.

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

Daniel 6:18

Oun i bar vas anlo oun ap i grouba čiddo. Oun o baro ray čivas peskro sikepen koy pre peskri goustyah oun i goustyentsa kol vavar rayendar, yaake te nay krell kek vavar čomone o Danieleha.

Daniel 9:3

Oun me dikom pre pash o Debleste, miro rayeste, oun rodom les oun mangom les ropah, rhom či oun rivom man an i gono, oun vitsrom yagakri čik pral mande.

Jona 3:9

Koon djinella? – Kova, hoy o Devel kamas te krell, nay khaytell les, oun yob moukell peskri rholi gar pral mende te vell, te meras gar halauter.”

Bičepangre 9:9

Triin divessa nay dikas lo gar, oun rhas oun piyas či.

Josua 7:6

Har o Yosua kova dikas, doukas leskro dji yaake, te kras lo peskre koola, hoy ap leste his, paash, oun moukas pes i mouyeha ap i phoub te perell, – glan o morhton, kay o baro Debleskre deesh laba dren his, oun ačas yaake čiddo bis ap i rat. Ninna i phoureder an Israel kran kova yaake. Oun yon vitsran čik ap pengre shere.