2. Samuel 12:14 - O Debleskro Lab 2024 (Sinte-Manouche)

¹⁴ Yek phagi leh tou. Dran kava koova, hoy kral, rakrenn kolla djoungeles pral o baro Debleste, kay les gar kamenna. Doleske merell ko ternepen, kay touke boldo vella.”

O Debleskro Drom 2021 (Sinte)

¹⁴ Jek phagi leh tu. Dran kau koowa, hoi kral, rakrenn kolla djungeles pral o baro Debleste, kai les gar kamenna. Doleske merell ko ternepen, kai tuke boldo wella.”

2. Samuel 12:14 Iomraidhean Croise

2. Samuel 12:15

Oun o Natan djas khere. Oun o baro Devel moukas kol ternepas phares nasselo te vell, hoy o Uriyeskri romni o Davideske ap i phoub anas.

Nehemia 5:9

Oun me penom: “Gar mishto hi kova, hoy t'mer kay krenna! T'mer hounte djivans glan o baro Debleskre yaka, oun krans, hoy mishto hi, te nay praasens men kol vavar menshe gar, kay troul mende djivenn oun maro merepen kamenn.

Debleskri gili 69:6

Miro Devel, tou djineh, har dinelo homs, oun prindjreh miri doosh, hoy ap mande anom.

Debleskri gili 74:10

Miro Devel, har rah moukeh tou len pal toute te sal? Moukeh tou len hako tsiro tiro lab te praasell?

Debleskri gili 94:12

Barhtelo hi kova, koneste tou, baro Devel, leskri doosh sikreh, koleste tou sikreh, har te djivell lo.

Debleskri gili 99:8

Baro Devel, tou hal maro Devel. Tou shounal len, oun lal i doosh tire menshendar krik, ninna te dal len i phagi koleske, hoy yon kran.

Jesaja 52:5

Hoy krap me kate? penell o baro Devel. Mire menshe van čičeske pandles krik lino. Kolla, kay kran pen ray pral lende, sanenn oun phourdenn pen pre, penell o baro Devel. Oun o tselo dives rikrenn le man dineleske.

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Mateo 18:7

I bibarht hi kova, kay della ap kay phoub boud koova, hoy anell i menshen ap o čilačo drom. Havo bibarht vell ap koleste, kay anell i vavaren ap o čilačo drom!

Remarja 2:24

Yaake hi kova činlo an o Debleskro lab: Dran t'mende rakrenn i vavar menshe djoungeles pral o Debleste.

1. Korintarja 11:32

Te lah mer i phagi o Deblestar, palle krell yob kova, te djas mer gar khetne i vavar menshentsa nashedo.

Hebrearja 12:6

Kones o Devel o djiyestar kamella, kova lell ninna lestar i phagi. Oun koon vell leskro čavo, koles dell lo ninna dava.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!