2. Samuel 11:27 - O Debleskro Lab 2024 (Sinte-Manouche)

²⁷ Har his kol divessa trouyel, kay li rovas, bičras o David yekes pash late, oun moukas lat an peskro kheer te anell. Oun yoy vas leskri romni, oun anas leske i čavo ap i phoub. Glan o baro Debleskre yaka his kova gar mishto, hoy o David kras.

O Debleskro Drom 2021 (Sinte)

²⁷ Har his kol diwessa trujel, kai li rowas, bitchras o David jekes pash late, un mukas lat an peskro kheer te anell. Un joi was leskri romni, un anas leske i tchawo ap i phub. Glan o baro Debleskre jaka his kowa gar mishto, hoi o David kras.

2. Samuel 11:27 Iomraidhean Croise

1. Mose 38:10

Oun kova, hoy yob kras, his čilačo an o baro Debleskre yaka. Oun yob moukas les ninna te merell.

2. Samuel 12:9

Hoske rikral tout gar ap miro lab? Hoske kral, hoy gar mishto hi glan mire yaka? O Uriya, ko Hetares, dal o rhareha moulo. Leskri romyat lal tou, te vell yoy tiri romni. Oun tou čival les kote an o kourepen, kay i Ammonarya les moulo dan.

2. Samuel 15:26

Te penell yob Tou hal gar lačo an mire yaka, palle nay krell lo mantsa, hoy leske mishto hi.”

1. Rajengro liil 21:16

Oun har o Ahab shounas, kay o Nabot meras, kote djas lo sik tele pash ko kotar phoub i drakengre roukentsa, hoy his o Nabotes dran Yesreel, te lell lo les peske.

1. Rajengro liil 21:20

Kote penas o Ahab ap o Eliya: “Hatsal man pale, tou, kay kameh mange čilačepen?” Kote penas lo: “Ava, me hatsom tout! Tou bikral tout, te kress kova, hoy glan i yaka o baro Deblestar čilačo hi.

1. Familjakro liil 21:7

Kava tselo koova his djoungeles glan o Debleskre yaka. Doleske das lo i Israelenge i phagi.

Debleskri gili 5:6

Kol pre-phourden kameh tou gar glan tire yaka te dikell, oun tou rhoyreh tout ap hakeneste, kay i vavarenge čilačepen krella.

Gosewe laba 6:29

Yaake djal koleske, kay pash i romyate i vavarestar djal. Hakeno, kay lat an-taprell, lell peskri phagi.

Jesaja 29:15

Djungeles djal kolenge, kay kova, hoy le penge an pengre djia glan lan, glan o baro Debleste khatrenn, oun an o kalepen i ratsyatar pengro koova krenn, oun penenn: “Koon dikell men? Oun koon djinell, te hams mer kova?”

Mateo 1:6

Koleskro čavo his o David, ko baro ray. Koleskro čavo his o Salomo. Koleskri day his i romni foun o Uriya.

5. Mose 22:29

palle hounte dell ko morsh, kay pash late čiddo his, lakro dadeste i paash--sheel roupene beme, doleske kay yob ladj ap late anas. Oun yoy vell leskri romni. Oun yob nay moukell lat gar peskro tselo djipen.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.