2. Samuel 11:1 - O Debleskro Lab 2024 (Sinte-Manouche)

¹ Oun ko bersh djas trouyel. Oun an ko tsiro, kay kol bare raya an o kourepen djan, bičras o David o Yoabes oun leskre lourden leha an o kourepen. Ninna i tsele Israelengre lourde djan lentsa. Oun yon kouran pen i Ammonentsa, kran lengro them paash oun čivan pen troul o foro Rabba. O David ačas an Yerusalem.

O Debleskro Drom 2021 (Sinte)

¹ Un ko bersh djas trujel. Un an ko tsiro, kai kol bare raja an o kurepen djan, bitchras o David o Joabes un leskre lurden leha an o kurepen. Ninna i tsele Israelengre lurde djan lentsa. Un jon kuran pen i Ammonentsa, kran lengro them paash un tchiwan pen trul o foro Rabba. O David atchas an Jerusalem.

2. Samuel 11:1 Iomraidhean Croise

2. Samuel 10:14

Har kol Ammonarya dikan, kay kol Syrarya nashan, nashan yon ninna glan o Abishay an o foro dren. Koy moukas o Yoab tele kol lourdendar dran o them Ammon, oun vas an o foro Yerusalem.

1. Rajengro liil 20:22

Kote vas ko Debleskro rakepaskro pash o baro rayeste dran Israel, oun penas ap leste: “De yak, kre tout zorelo, te djiness oun hayvess, hoy te kress. Ko baro ray dran Syria vell palpale, te hi kava bersh trouyel, te kourell lo pes touha.”

1. Rajengro liil 20:26

Oun yaake vas, har o nevo bersh vas, koy djas o Ben-Hadad khetne peskre lourdentsa pral pash o foro Afek, te kourell lo pes kote i Israelentsa.

1. Familjakro liil 20:1

Oun ko bersh djas trouyel. Oun an ko tsiro, kay kol bare raya an o kourepen djan, djas o Yoab peskre lourdentsa an o kourepen. Oun yon kouran pen i Ammonentsa, kran lengro them paash oun čivan pen troul o foro Rabba. O David ačas an Yerusalem. Oun o Yoab las o foro Rabba dren oun das les an kotya.

2. Familjakro liil 36:10

Oun har o bersh trouyel his, moukas les o Neboukadnezar an o foro Babilon te anell, oun moukas leha boud kouč koova dran o baro Debleskro kheer te anell, oun čivas leskro kakes, o Sedekya, pral o them Youda oun o foro Yerusalem, te vell lo baro ray.

Debleskri gili 60:9

O them Gilead hi miro oun o them Manasse hi miro. O them Efrayim hi miri sasterni stadi, oun o them Youda hi kova, koles penepaske hi.

Sikepaskro 3:8

Koy hi tsirya, kay i menshe kamenn pen, oun tsirya, kay čingrenn le ap i vavarende. Dell tsirya, kay djivah an o kourepen, oun vavar tsirya, kay dell kek kourepen.

Jeremia 49:2

Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

Jeremia 49:3

Rob, tou foro Heshbon! O foro Ai hi khetne phagedo. Denn gole, t'mer djouvya an o foro Rabba, oun rivenn i gono pral t'mende! denn ropaskri gole, oun nashenn kate te kote! O Milkom peskre rashayentsa oun i pralstoune venn pandles krik anlo.

Ezekiel 21:20

te taprell i menshen bari daar, oun boud merenn. Pash hake foreskre voudya venn menshe maredo o rhareha. Djoudjo har i blendari hi ko rharo. O marepaske hi lo kerdo.

Amos 1:14

Me bičrau i yag ap i foreskre massurya o forestar Rabba, hoy rhačrell leskre zorele khera tele, ap ko dives, kay vell o kourepaskri gole dino, oun o kourepen vin phagell har i baro phourdepen.

Zakarie 14:3

Palle djal o baro Devel vin, te kourell yob pes yaake kol lourdentsa dran i vavar themma, har kouras lo pes peskre menshenge an i phoure tsirya.

5. Mose 3:11

Kokres o Og, ko baro ray pral Bashan, ačas djido kol bare menshendar, kay rise kharedo van. Har meras lo, vas lo paskedo an i barrengro morhton. Kova hi yaake star metarya baro oun douy metarya bourhlo, oun hi tardo an o foro Rabba an o them Ammon.

1. Samuel 18:30

Oun boud kope an o marepen i Filistarentsa his o David zorleder har hako vavar o Sauleskre pralstoune lourdendar. Oun o Davideskro lab vas sharedo oun hadedo.