2. Samuel 10:6 - O Debleskro Lab 2024 (Sinte-Manouche)

⁶ Har kol Ammonarya dikan, kay kran le o Davides moulo rhoyedo, ginan le lourden dran vavar themma: 20.000 (biish-zerya) Syrarya dran o foro Bet-Rehob oun dran o foro Soba, 1.000 (yek zero) lourde o baro rayestar pral o them Maaka, 12.000 (deesh-te-douy-zerya) lourde dran o them Tob.

O Debleskro Drom 2021 (Sinte)

⁶ Har kol Ammonarja dikan, kai kran le o Davides mulo chojedo, ginan le lurden dran wawar themma: 20.000 (biish-serja) Syrarja dran o foro Bet-Rehob un dran o foro Zoba, 1.000 (jek sero) lurde o baro rajestar pral o them Maacha, 12.000 (deesh-te-dui-serja) lurde dran o them Tob.

2. Samuel 10:6 Iomraidhean Croise

1. Mose 34:30

Koy penas o Yakob ap o Simeon oun ap o Levi: “T'mer anan bibarht oun ladj ap mande pash kolende, kay djivenn an kava them: pash i Kanaanitarya oun i Perisarya. Mer ham gar boud menshe. Te venn yon lauter khetne oun perenn pral mende, denn le men moulo. Oun me merau miri tseli familyah.”

2. Samuel 10:5

Kova his i bari ladj kol morshenge. Har o Davideske kova penlo vas, bičras yob morshen pash lende, oun moukas lenge te penell: “Ačenn an o foro Yericho, bis te t'mari čor pale bares vas! Koy pal avenn pale!”

2. Samuel 10:7

Har kova o David shounas, bičras yob o Yoabes pash lende peskre tsele lourdentsa.

2. Samuel 16:21

Penas o Ahitofel: “Dja pash i djouvyende tiro dadestar, kolen tiro dad moukas koy, te denn yon garda ap ko kheer! Oun sob lentsa! Yaake shounell o tselo Israel, kay tou tout pash tiro dadeste gar kamlo kral. Palle venn lauter kolla, kay ap tiri rig hi, zorleder.”

2. Samuel 23:34

o Elifelet, koleskro dad o Ahasbay hi, dran Maaka, o Eliam, koleskro dad o Ahitofel hi, dran Gilo,

2. Samuel 8:12

Kolla his i menshe an i themma Edom, Moab, Ammon, Filistia, Amalek. Ninna kova čivas lo an o Debleskro kheer, hoy las lo o rayestar pral o foro Soba, o Hadad-Eser, koleskro dad o Rehob hi.

2. Samuel 8:3

O David kouras pes ninna o baro rayeha pral o them Soba. Leskro lab his Hadad-Eser, koleskro dad his o Rehob. Har o Hadad-Eser koy djas, te lell lo o them pash ko pani Eufrat pale dren, vas o David peskre lourdentsa, oun das les oun leskre lourden.

2. Samuel 8:5

Koy van kol Syrarya dran o them Damaskus pash o Hadad-Eser, ko baro ray pral o them Soba, te venn le leske ap i rig. Oun o David maras lendar 22.000 (biish-te-douy-zerya) morshen.

1. Rajengro liil 11:24

Oun o Reson las kourepangren troul peste oun vas lengro pralstouno. Kova his an ko tsiro, har o David i Syrarya maras. Oun o Reson peskre lourdentsa djas an o foro Damaskus. Oun yon djivan kote, oun his i raya pral Damaskus.

2. Rajengro liil 7:6

O baro Devel kras, te shounenn kol Syrarya i bari gole, har te venn boud lourde grayentsa oun kourepangre vourdyentsa. Oun yon rakran yek ap o vavareste: “Shounenn, ko baro ray pral Israel čivas pes khetne kol bare rayentsa pral kol Hetarya oun pral kol Egiptarya, te perenn le khetne pral mende.”

Debleskri gili 48:4

Yob hi an i zorele khera an kava foro. Oun i menshe kote djinenn, te dell lo garda ap lende.

2. Mose 5:21

“O baro Debleskri rholi vell ap t'mende! T'mer kran, te ham o Faraeske oun leskre pralstunenge har djoukle. Kanna hi an lengre vasta, te nay marenn le men.”

Gosewe laba 25:8

Ma dja sik pash i čačepangre morshende, te peness lenge, hoy dikal. Te vell palle i vavar oun sikrell, kay hi tout gar čačo, hoy kreh tou palle?

Jeremia 40:8

Kal pralstoune lourde his: O Ismael, koleskro dad o Netanya his, o Yohanan oun o Yonatan, kolengro dad o Karea hi, oun o Seraya, koleskro dad o Tanhoumet his, oun i morsh čave o morshestar Efay dran Netofa, oun o Yazania dran Maaka. Yon lauter oun lengre lourde van pash o Gedalya. Kova his an o foro Mispa.

Jeremia 46:21

Ninna i lourde, kay playsedo venna an kava them, hi har terne thoulle groumya. Yon nashenn penge oun kourenn pen gar ap ko čilačo dives, kay vell i bibarht pral lende, oun yon pengri phagi lenna.

5. Mose 3:14

O Yayr dran i familya Manasse las ko tselo kotar them Argob bis pash o them, kay i Geshourarya oun i Maakatarya djivenn. O Yayr kharas kol gaba an o them Bashan pal peskro lab o Yayreskre gaba. Oun yaake kharenn le gomme kava dives.]

Čačepangre 11:3

Oun yaake nashas o Yefta peskre phralendar, oun djivas an o them Tob. Oun pash leste van pale-čidde oun djan leha.

Čačepangre 11:5

Kote djan i phoureder dran Gilead pash o Yefta, te lenn le les dran o them Tob.

Čačepangre 18:28

Oun kek his koy, kay len nay dran lengre vasta vin las. Ko foro Layish his dour krik o forestar Sidon, oun his čiddo an o telstouno them pash Bet-Rehob. Oun i menshe djivan peske kokres. Oun i Danarya kran ko foro pale neves oun djivan koy.

1. Samuel 13:4

Oun i tsele Israelenge vas penlo: “O Saul maras kol lourden i Filistarendar, kay yak dan. Oun kanna hi len rholi ap o tselo Israel.” Oun i tsele Israelengre lourde van khetne gole dino, te djan le an Gilgal pash o Saul.

1. Samuel 27:12

Oun o Akish patsas o Davides, oun penas peske: “Yob kras pes pash peskre menshende Israel yaake khandles, te ačell lo hako tsireske miro boudepaskro.”