2. Samuel 10:19 - O Debleskro Lab 2024 (Sinte-Manouche)

¹⁹ Oun kol tsele bare raya, kolengro pralstouno o Hadad-Eser hi, dikan, kay i Israelitarya i zorleder hi pral lende. Koy moukan le tele, te kourenn le pen lentsa. Oun o Israel las penepaske pral lende. Oun kol Syrarya trashan, te venn le doureder ap i rig kolenge dran o them Ammon.

O Debleskro Drom 2021 (Sinte)

¹⁹ Un kol tsele bare raja, kolengro pralstuno o Hadad-Eser hi, dikan, kai i Israelitarja i sorleder hi pral lende. Koi mukan le tele, te kurenn le pen lentsa. Un o Israel las penepaske pral lende. Un kol Syrarja trashan, te wenn le dureder ap i rig kolenge dran o them Ammon.

2. Samuel 10:19 Iomraidhean Croise

2. Samuel 8:3

O David kouras pes ninna o baro rayeha pral o them Soba. Leskro lab his Hadad-Eser, koleskro dad his o Rehob. Har o Hadad-Eser koy djas, te lell lo o them pash ko pani Eufrat pale dren, vas o David peskre lourdentsa, oun das les oun leskre lourden.

2. Samuel 8:6

Oun yob čivas moskre dren an lengro them. Oun o Davides vas penepaske pral i Syrarya, oun yon hounte dan les roup oun sonakay. Yaake his o baro Devel o Davideske ap i rig, kay lo ninna djas.

1. Rajengro liil 20:1

Oun o Ben-Hadad, ko baro ray pral o them Syria, čivas peskre tsele lourden khetne. Oun 32 (triyanda-te-douy) vavar bare raya pengre lourdentsa his leha. Ninna his graya oun kourepangre vourdya pash lende. Oun lentsa halauterentsa djas yob glan o foro Samaria. Oun yon čivan pen troul o foro, oun pandan o foro dren, te kourenn le pen o foreha.

1. Familjakro liil 19:19

Oun kol tsele raya, kolengro pralstouno o Hadad-Eser hi, dikan, kay i Israelitarya i zorleder hi pral lende. Koy moukan le tele, te kourenn le pen o Davideha. Oun les vas penepaske pral lende. Oun kol Syrarya kaman bouder gar i lourdenge dran Ammon ap i rig te vell.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Daniel 2:37

Tou miro baro ray, hal o bareder i tsele rayendar. O bolepaskro Devel kras, te val baro ray, das tout zoor oun kras tout bares.

Josua 11:10

Palle rissras o Yosua trouyel oun las o foro Hazor dren. Oun leskro rayes das lo o rhareha moulo. O foro Hazor his an ko tsiro o bareder foro mank kol vavar forya an ko them.

Debleskro tsiro 18:10

Dour glan o foro hi le tardo i daryatar, te vell koy bibarht ninna ap lende, oun yon penenna: “Dikenn! Havi bibarht! Havi bibarht! O baro foro Babilon, o zorelo foro! Leskri phagi vas an yek tikno tsiro pral leste.”

Čačepangre 1:7

Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.