2. Samuel 10:18 - O Debleskro Lab 2024 (Sinte-Manouche)

¹⁸ Oun kol Syrarya hounte nashan penge i Israelendar. Oun o David maras lendar 700 (efta-sheel) morshen, kay ap i kourepangre vourdya his, oun 40.000 (star-deesh-zerya) lourden. Oun o Shobak, ko pralstouno lourdo, rhas dava, yaake kay yob koy meras.

O Debleskro Drom 2021 (Sinte)

¹⁸ Un kol Syrarja hunte nashan penge i Israelendar. Un o David maras lendar 700 (efta-sheel) murshen, kai ap i kurepangre wurdja his, un 40.000 (star-deesh-serja) lurden. Un o Shobach, ko pralstuno lurdo, chas dawa, jaake kai job koi meras.

2. Samuel 10:18 Iomraidhean Croise

2. Samuel 10:17

Oun o Davideske vas kova penlo. Oun yob las i tsele Israelitaryen khetne, oun djas pral o pani Yordan, oun yon van an o foro Helam. Oun kol Syrarya čivan pen tardo, te kourenn le pen o Davideha.

2. Samuel 8:4

Oun pandas 1.700 (yek-sero-efta-sheel) klissepangre, oun 20.000 (biish-zerya) lourden, oun kras i tsele grayen bango. Kokres sheel lendar moukas lo pral.

1. Rajengro liil 11:24

Oun o Reson las kourepangren troul peste oun vas lengro pralstouno. Kova his an ko tsiro, har o David i Syrarya maras. Oun o Reson peskre lourdentsa djas an o foro Damaskus. Oun yon djivan kote, oun his i raya pral Damaskus.

1. Familjakro liil 19:18

Oun kol Syrarya hounte nashan penge i Israelendar. Oun o David maras lendar 7.000 (efta-zerya) morshen, kay ap i kourepangre vourdya his, oun 40.000 (star-deesh-zerya) lourden. Oun o Shobak, ko pralstouno lourdo o baro rayestar Hadad-Eser, koles maras lo ninna.

Debleskri gili 18:38

Me lom kolen palla, kay ap mande pre djan, oun taprom len, oun moukom gar tele, bis te his le moulo dino.

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

Debleskri gili 68:2

O Devel stell pre, oun tradell kolen krik, kay kamenn les gar; ava, kolla, kay hi rhoyedo ap leste, hounte nashenn lestar.

Čačepangre 4:2

Oun o baro Devel das len an o vast o baro rayestar Yabin. Kova his o baro ray pral o them Kanaan oun djivas an o foro Hazor. Oun leskro pralstouno lourdo kharas Sisera. Oun kova djivas an o foro Haroshet-Goyim.

Čačepangre 4:22

Oun har o Barak o Siseres palla las, djas i Yael vin pash leste, oun penas: “Ab mantsa, oun me kamau touke ko morshes te sikrell, koles tou rodeh!” Oun yob djas pash late dren, oun dikas o Siseres moules koy čiddo. O saster his an leskro shero.

Čačepangre 5:26

Lakro vast tapras i saster, oun lakro čačo vast i sasterno depaskro, kolentsa das li leskro shero paash. An leskro shero djas ko saster dren oun vas pale vin.