2. Samuel 10:16 - O Debleskro Lab 2024 (Sinte-Manouche)

¹⁶ Oun o Hadad-Eser bičras morshen pash i Syrarya, kay djivenn vergel o pani Eufrat, oun moukas len gole te dell, te djan le an o kourepen. Kolla van an o foro Helam. Glan lende djas lengro pralstouno, o Shobak.

O Debleskro Drom 2021 (Sinte)

¹⁶ Un o Hadad-Eser bitchras murshen pash i Syrarja, kai djiwenn wergel o pani Eufrat, un mukas len gole te dell, te djan le an o kurepen. Kolla wan an o foro Helam. Glan lende djas lengro pralstuno, o Shobach.

2. Samuel 10:16 Iomraidhean Croise

2. Samuel 10:15

Har kol Syrarya dikan, kay yon i Israelendar dino his, lan le pengre tsele lourden khetne.

2. Samuel 10:17

Oun o Davideske vas kova penlo. Oun yob las i tsele Israelitaryen khetne, oun djas pral o pani Yordan, oun yon van an o foro Helam. Oun kol Syrarya čivan pen tardo, te kourenn le pen o Davideha.

1. Rajengro liil 11:23

Oun o Devel čivas o Salomeske i vavar morshes an o drom, kay hadas pes pral leste. Kova his o Reson, koleskro dad o Elyada his. Glan i tsiro nashas o Reson peske peskro rayestar, o Hadad-Eser, kova his o ray pral o them Soba.

1. Familjakro liil 18:3

O David kouras pes ninna o baro rayeha pral o them Soba. Leskro lab his Hadad-Eser. Har o Hadad-Eser koy djas, te lell lo o them pash ko pani Eufrat dren, vas o David peskre lourdentsa, oun das les oun leskre lourden pash o foro Hamat.

1. Familjakro liil 18:5

Koy van kol Syrarya dran o them Damaskus pash o Hadad-Eser, ko baro ray pral o them Soba, te venn le leske ap i rig. Oun o David maras lendar 22.000 (biish-te-douy-zerya) morshen.

1. Familjakro liil 19:16

Har i Syrarya dikan, kay yon i Israelendar dino his, bičran le morshen pash i Syrarya, kay djivenn vergel o pani Eufrat, oun moukan len gole te dell, te djan yon ninna an o kourepen. Oun o Shobak, ko pralstouno lourdo ko baro rayestar Hadad-Eser, djas glan lende.