2. Samuel 1:16 - O Debleskro Lab 2024 (Sinte-Manouche)

¹⁶ Glan kova penas o David ap o Amalekari: “Tou anal leskro rat ap toute. Doleske meress! Tiro mouy phoukras ap toute, har tou penal: Me dom koles moulo, koles o baro Devel vin rodas, te vell lo baro ray.”

O Debleskro Drom 2021 (Sinte)

¹⁶ Glan kowa penas o David ap o Amalekari: “Tu anal leskro rat ap tute. Doleske meress! Tiro mui phukras ap tute, har tu penal: ‘Me dom koles mulo, koles o baro Dewel win rodas, te well lo baro rai.’”

2. Samuel 1:16 Iomraidhean Croise

2. Samuel 1:10

Koy djom pash leste, oun dom les moulo. Me djinom, te nay djivell yob bouder gar, yaake phares his lo doukedo. Oun me lom leskri rayeskri stadi lestar tele, ninna ko sonakay ap leskri moussi, oun anom kova pash toute, miro ray.”

2. Samuel 16:8

Tou lal o Sauleske leskri rayeskri beshepaskri touke! Kanna anell o baro Devel o tselo rat o Sauleskre menshendar pral toute. O rayeskri beshepaskri das o baro Devel tiro čaveste, o Absalomeste. Marepaskro, kay hal, kanna hal tou an i bibarht!”

1. Rajengro liil 2:37

Djin, an ko dives, kay tou djah vin oun nasheh pral o pani Kidron, hounte meress. An ko dives vell tiro rat pral toute.”

Hiob 15:6

Hi tiro mouy, hoy penell, te hi doosh ap toute. Me hounte penap kova gar. Hako lab, hoy rakreh, sikrell kova.

Gosewe laba 6:2

Pandal tout tiro labeha? Hal tou pandlo an tiro rakepen, hoy dran tiro mouy vas?

Ezekiel 18:13

Te patsell lo love vin, lell lo peske boudeder love pale. Nay ačell savo mensho djido? Na-a! Koon savo djoungelo koova kras, hounte merell. Yob hounte lell peskri phagi!

Ezekiel 33:5

Yob shounas koy phourdepaskri oun das gar yak koy pre. Les kokres hi doosh ap peskro merepen. Te dals lo yak ap i phourdepaskri, palle lals lo peskro djipen dran o merepen vin.

3. Mose 20:16

Te sovell i djouvel i firheha, palle dess tou koy djouvyat oun ko firhes moulo. Yon hounte hidjrenn pengri phagi, oun hounte merenn.

3. Mose 20:27

Hako morsh oun haki djouvel, kay dourkrell oder poučell i moulen, hounte hidjrell peskri phagi oun merell. T'mer hounte vitsrenn len moulo i barrentsa.

3. Mose 20:9

Te rakrell yek pral peskro dadeste oder peskri date bibarht vin, palle hounte vell lo moulo dino. Koon savo koova krell, ap koleste vell leskro rat.

Mateo 27:25

Oun kol tsele menshe penan: “Koy doosh vell ap mende oun ap mare čavende!”

Louka 19:22

Ap koleste penas o ray: Tou moleh či. Tou hal i čilačo boudepaskro. Tou djinal, kay hi man i dji dran bar, oun kay lau, kay dom či, oun hoy me gar an i phoub čivom, te vell kova baro.

Bičepangre 18:6

Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

Bičepangre 20:26

Yek penau t'menge kava dives: Man hi kek doosh, te djal yek t'mendar nashedo.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

5. Mose 19:10

Yaake hi t'men doha forya kay nay nashell yek dren. Oun yaake krenn t'mer, te vell an t'maro them, hoy t'maro baro Devel t'menge dell, kek mensho maredo, ap koleste kek doosh hi. Te vals savo mensho maredo, anans bari doosh ap t'mende.

Josua 2:19

Oun hakeno, koon lendar pale vin djal, koleskro rat vell ap leskro shero! Oun mari sovel his gar koleske. Hakeno, kay an tiro kheer hi oun vell maredo, koleskro rat vell ap maro shero!

Čačepangre 9:24

Yaake te vell ko čilačepen ap leste pale, hoy yob ap kol efta-deesh čavende peskro dadestar Gideon kras. Oun lengro rat te vell ap lengro phraleste Abimelek, kay len temerl das, oun ap kolende, kay an o foro Sichem djivan oun leskre vasta zoreles kran.

1. Samuel 25:39

Oun har o David shounas, te meras o Nabal, penas lo: “Sharedo vell o baro Devel, kay i ladj, hoy o Nabal ap mande anas, ap leste pale anas. Oun man, peskro boudepaskres, rikras lo pale, te krap i čilačo koova. Oun ko čilačo koova, hoy o Nabal kras, moukas o baro Devel ap leskro shero pale te perell.” Oun o David bičras morshen pash i Abigayil, oun moukas lake te penell, te kamell lo lat te romedinerell.

1. Samuel 26:9

O David penas: “Na-a, ma de les moulo! Koon hadell o vast pre ap koleste, koles o baro Devel peske vin rodas, kova lell peskri phagi.”