2. Samuel 1:11 - O Debleskro Lab 2024 (Sinte-Manouche)

¹¹ Koy tapras o David ap peskre koola, oun kras len paash i doukatar. Oun kol morsha, kay pash leste his, kran kova ninna yaake.

O Debleskro Drom 2021 (Sinte)

¹¹ Koi tapras o David ap peskre koola, un kras len paash i dukatar. Un kol mursha, kai pash leste his, kran kowa ninna jaake.

2. Samuel 1:11 Iomraidhean Croise

1. Mose 37:29

Har vas o Ruben pale pash i grouba oun dikas, kay o Yosef bouder gar dren his, kras yob peskre ripya paash i doukatar.

1. Mose 37:34

Oun o Yakob kras peskre ripya paash i doukatar. Oun čivas i gono troul peste oun rovas i rah tsiro pral peskro čaveste.

1. Mose 44:13

Koy kran le pengre koola an kotya i doukatar. Oun hadan pengre gone pale ap i bourike oun djan pale an o foro.

2. Samuel 13:19

Oun yoy rissras o ripen an kotya dran doukatar, vitsras čik ap peskro shero, čivas peskro vast ap o shero, oun djas peske i zorelo ropah.

2. Samuel 13:31

Koy stas o baro ray pre, oun kras peskre koola an kotya paash, oun čivas pes ap i phoub. Oun lauter kol boudepangre, kay troul leste tardo hi, kran ninna pengre koola an kotya paash.

2. Samuel 3:31

O David penas ap o Yoab oun ap kol tsele menshende, kay pash leste his: “Krenn t'mare koola paash, oun čivenn i gono troul t'mende, oun rovenn pral o Abner, kay moulo hi!” Oun o baro ray djas pal o morhton, kay o moulo Abner dren his.

2. Rajengro liil 5:7

Oun har o baro ray pral Israel ko liil draveras, tserdas yob i koola pestar tele oun penas: “Hom me o Devel, kay nay marau oun krau djido? O baro ray pral Syria bičrell kava morshes pash mande, te krap les sasto oun lap ko nasslepen ap leskro mass lestar krik. T'mer dikenn, har rodell yob čingepen mantsa!”

2. Familjakro liil 34:27

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, oun kral tire koola paash, kay ap toute his, oun roval glan mande. Doleske shounom me tout ninna, penell o baro Devel.

Esra 9:3

Har kova shounom, krom miri baya oun miro gad paash, oun tserdom mange miro baal dran o shero oun dran o čor, oun beshom man koy, oun homs beshdo har moulo i doukatar.

Ester 4:1

Oun har o Mordekay shounas, hoy djas, kras lo peskre koola paash, hoy ap leste his. Oun rivas peske i gono an, oun čivas yagakri čik ap peste. Oun djas dren mashkral o foro oun rovas oun das gole.

Jeremia 36:24

Kek kolendar, kay shounan kol laba, las traash oun sikras, kay kol laba leske an o dji djan, gar o baro ray oun vitar gar kol pralstoune pash leste.

Joel 2:13

Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.

Bičepangre 14:14

Har o Barnabas oun o Paulo kova shounan, kran le pengre ripya paash oun stan mashkral kol menshende, oun dan gole:

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!

Josua 7:6

Har o Yosua kova dikas, doukas leskro dji yaake, te kras lo peskre koola, hoy ap leste his, paash, oun moukas pes i mouyeha ap i phoub te perell, – glan o morhton, kay o baro Debleskre deesh laba dren his, oun ačas yaake čiddo bis ap i rat. Ninna i phoureder an Israel kran kova yaake. Oun yon vitsran čik ap pengre shere.