2. Samuel 1:10 - O Debleskro Lab 2024 (Sinte-Manouche)

¹⁰ Koy djom pash leste, oun dom les moulo. Me djinom, te nay djivell yob bouder gar, yaake phares his lo doukedo. Oun me lom leskri rayeskri stadi lestar tele, ninna ko sonakay ap leskri moussi, oun anom kova pash toute, miro ray.”

O Debleskro Drom 2021 (Sinte)

¹⁰ Koi djom pash leste, un dom les mulo. Me djinom, te nai djiwell job buder gar, jaake phares his lo dukedo. Un me lom leskri rajeskri stadi lestar tele, ninna ko sonakai ap leskri mussi, un anom kowa pash tute, miro rai.”

2. Samuel 1:10 Iomraidhean Croise

2. Samuel 1:16

Glan kova penas o David ap o Amalekari: “Tou anal leskro rat ap toute. Doleske meress! Tiro mouy phoukras ap toute, har tou penal: Me dom koles moulo, koles o baro Devel vin rodas, te vell lo baro ray.”

2. Samuel 1:9

Oun yob penas ap mande: Ab pash mande oun de man moulo! Mange vell kalo glan i yaka, miro djipen hi gomme an mande.

2. Samuel 12:30

Oun las leskro baro rayeske peskro shereskro sonakay tele. Kova his 35 (triyanda-te-panč) kilogramme pharo oun ap leste his kouč barra. Oun kava shereskro sonakay čivan yon ap o Davideskro shero. Oun yob anas boud bravlepen dran ko foro krik.

2. Rajengro liil 11:12

Palle moukas o Yoyada o baro rayeskro čaves vin te vell, te nay dikell les hakeno, oun čivas leske koy rayeskri stadi ap o shero, oun das les ko liil, kay činlo hi, hoy te krell lo. Oun čoras djet pral leskro shero, te vell lo baro ray. Koy dan le halauter an i vasta oun dan gole: O baro ray te djivella!

Ropaskre gilja 5:16

Mer nashram maro raylepen. Mari doosh, hoy anam ap mende, anas men an i bibarht!

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Čačepangre 1:7

Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.

Čačepangre 9:54

Koy das lo sik gole ap peskro boudepaskro, kay leske o rharo hidjrell, oun penas ap leste: “Le tiro rharo, oun de man temerl, te penell kek mandar: I djouvel das les temerl.” Oun leskro boudepaskro das les tele čourye, yaake te meras lo.

1. Samuel 22:18

Kote penas o baro ray ap o Doeg: “Ab tou, oun de len moulo!” Oun o Doeg, ko Edomari, vas glan oun das kol rashayen moulo. Oun ap ko dives meran 85 (orhta-deesh te panč) morsha, kay an i rashayengri layntikri damdira rido his.