2. Rajengro liil 9:3 - O Debleskro Lab 2024 (Sinte-Manouche)

³ Le ko khoro, kay djet dren hi, čore kova pral leskro shero oun pen: Yaake penell o baro Devel: Me makau tout kava djeteha, te vess baro ray pral o Israel. Koy pal kre o voudar pre oun naash touke yaake sik har djala!”

O Debleskro Drom 2021 (Sinte)

³ Le ko khoro, kai djet dren hi, tchore kowa pral leskro shero un pen: ‘Jaake penell o baro Dewel: Me makau tut kau djeteha, te wess baro rai pral o Israel.’ Koi pal kre o wudar pre un naash tuke jaake sik har djala!”

2. Rajengro liil 9:3 Iomraidhean Croise

1. Rajengro liil 1:34

Oun kote makenn le les dren o lačo djeteha, o rashay o Zadok, oun o Debleskro rakepaskro, o Natan, te vell lo baro ray pral Israel. Oun t'mer phourdenn an i phourdepangre oun denn pashel gole: I rah djipen o baro rayeske, o Salomo!

1. Rajengro liil 19:16

Oun o Yehou, koleskro dad o Nimshi hi, koleske makess ninna lačo djet ap o shero, te vell yob o ray pral o Israel. Oun o Elisa, koleskro dad o Shafat hi dran Abel-Mehola, koleske mak ninna lačo djet ap leskro shero, te vell yob i Debleskro rakepaskro pal toute!

2. Rajengro liil 8:13

O Hasael penas: “Me hom i čorvelo djouklo. Har nay krau me savo koova?” Koy penas o Elisa: “O baro Devel sikras mande, kay veh tou baro ray pral Syria.”

2. Rajengro liil 9:6

Koy stas yob pre oun djas an o kheer dren. Oun o Debleskro rakepaskro čoras ko djet ap leskro shero oun penas ap leste: “Kova penell o baro Devel, ko Devel pral o Israel: Me makau tout kava djeteha dren, te vess baro ray pral mire menshende, i Israelende.

2. Familjakro liil 22:7

O Devel kamas kova yaake, te djal o Ahasya pash o Yoram, te vell lo kote maredo. Oun har yob koy vas, djan kol douy, o Ahasya oun o Yoram pash o Yehou, koleskro dad o Nimshi hi. Koles rodas o baro Devel vin, te vell lo baro ray oun marell o Ahabeskri tseli familya.

2. Mose 29:7

Le o makepaskro djet oun čore les pral leskro shero, mak les o Debleske!

Daniel 2:1

Oun an ko tsiro, har o Neboukadnezar an o douyto bersh o baro ray his, his les i souni, kay les savi daar kras, te nay sovas lo bouder gar dren.

Daniel 5:18

Tou miro ray! O pralstouno Devel das tiro dades Neboukadnezar themma, rayeskri zoor, barepen oun raylepen.

3. Mose 8:12

Palle las o Mose ko djet, oun čoras kolestar ap o Aroneskro shero, oun kras yaake, te vell yob o baro Debleskro rashay.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Mateo 2:13

Oun har yon penge djan, vas o Debleskro bolepaskro pash o Yosefeste an i souni, oun penas ap leste: “Ste pre! Le o ternepas oun leskri dat, oun naash an o them Egiptia! O Herodes moukell o ternepas te rodell, te marell lo les. Ač koy, bis te penau me les touke, te vess pale!”

Mateo 26:7

Oun har o Yezous kote rhas, vas i djouvel pash leste. Kolat his i toushni an o vast. Kote his kouč djet dren. Ko djet čoras yoy ap leskro shero vin, te makell li les dren.

1. Samuel 10:1

Oun o Samuel las o khoro, kay o kouč djet dren hi, oun čoras les pral o Sauleskro shero. Oun yob čoumras les oun penas: “Ko djet sikrella, te čivas tout o baro Devel pral peskre menshende, te vess lengro ray.

1. Samuel 15:1

O Samuel penas ap o Saul: “O baro Devel bičras man, te makap tout o djeteha, te vess o ray pral leskre menshende Israel. Kanna shoun ap i laba o baro Deblestar!

1. Samuel 15:17

Oun o Samuel penas: “Hi gar yaake? Har hals tikno an tire yaka, val tou o pralstouno pral o Israel. O baro Devel kras, te val o baro ray pral i deesh-te-douy bare familye, kay venna o Israeleskre deesh-te-douy morsh čavendar.

1. Samuel 16:2

O Samuel penas: “Har nay krau kova? Te shounell o Saul kova, pale moukell yob man te marell.” Koy pre penas o baro Devel: “Le i terni groumni touha, oun pen Me vom te anap kay groumni o baro Debleske!

1. Samuel 9:16

“Taysar kava tsireske bičrau me i morshes dran o them Benyamin pash toute. Koles less tou oun makess les o kouč djeteha, te vell lo ray pral mire menshende, i Israelitarya. Kova lell len vin dran o vast i Filistarendar. Me dikom har phares yon o djipen mire menshendar kran. Oun lengri gole vas glan mande.”