2. Rajengro liil 3:7 - O Debleskro Lab 2024 (Sinte-Manouche)

⁷ oun bičras lourden pash o Yosafat, ko baro rayeste an o them Youda oun moukas leske te penell: “Ko baro ray pral kol Moabarya peras tele mandar. Am mantsa, te djas mer khetne ap lende pre!” O baro ray pral o them Youda penas: “Me kamau te vell. Me hom har tou. Oun mire menshe hi har tire menshe. Oun mire graya hi har tire graya.”

O Debleskro Drom 2021 (Sinte)

⁷ un bitchras lurden pash o Josafat, ko baro rajeste an o them Juda un mukas leske te penell: “Ko baro rai pral kol Moabarja peras tele mandar. Am mantsa, te djas mer khetne ap lende pre!” O baro rai pral o them Juda penas: “Me kamau te well. Me hom har tu. Un mire menshe hi har tire menshe. Un mire graja hi har tire graja.”

2. Rajengro liil 3:7 Iomraidhean Croise

1. Rajengro liil 22:4

Oun yob penas ap o Yosafat: “Kameh te djas mantsa khetne an o them Gilead an o kourepen, te las menge o foro Ramot pale?” Oun o Yosafat penas ap o rayeste pral o them Israel: “Ava, me kamau touha te vell, mire lourdentsa oun mire grayentsa.”

2. Rajengro liil 13:20

Oun o Elisa meras oun vas paskedo. Hako bersh peran i Moabarya an o them.

2. Rajengro liil 3:6

Oun sik djas ko baro ray Yoram dran Samaria vin oun las peskre tsele lourden dran Israel khetne,

2. Rajengro liil 3:8

O Yoram penas: “Havo drom djas mer?” “Ko drom vergel o nango them Edom”, penas o Yosafat.

2. Rajengro liil 3:9

Yaake djan kol douy bare raya pral Israel oun pral Youda vin pengre lourdentsa. Ninna o baro ray pral Edom peskre lourdentsa djas lentsa. Har yon efta divessa dour djan, his kol lourden oun ko firhen, kay pash lende his, kek pani.

2. Familjakro liil 18:3

oun poučas lestar: “Kameh te djas mantsa khetne an o them Gilead an o kourepen, te kouras men o foreha Ramot?” Oun o Yosafat penas ap o baro rayeste pral o them Israel: “Ava, mer vah touha, me oun mire lourde. Mer kamah touha khetne an o kourepen te djal.”

2. Familjakro liil 19:2

Oun kote vas leske o dikepaskro, o Yehou an o drom. Koleskro dad his o Hanani. Oun o Yehou penas ap o baro rayeste Yosafat: “Hoske val tou o čilačo morsheske ap i rig, oun val i maal kolestar, kay kamas o baro Deblestar či te djinell? Doleske vell i rholi o baro Deblestar pral toute.