2. Rajengro liil 16:2 - O Debleskro Lab 2024 (Sinte-Manouche)

² Biish bersha phouro hi o Ahas, har lo baro ray vas; oun 16 (deesh-te-shob) bersha his lo baro ray, oun djivas an ko tsiro an o foro Yerusalem. Leskro phouro dad, o David kras, hoy glan peskro baro Debleskre yaka mishto hi. Kova kras o Ahab gar.

O Debleskro Drom 2021 (Sinte)

² Biish bersha phuro hi o Ahas, har lo baro rai was; un 16 (deesh-te-shob) bersha his lo baro rai, un djiwas an ko tsiro an o foro Jerusalem. Leskro phuro dad, o David kras, hoi glan peskro baro Debleskre jaka mishto hi. Kowa kras o Ahab gar.

2. Rajengro liil 16:2 Iomraidhean Croise

2. Familjakro liil 29:2

Oun yob kras, hoy glan o baro Debleskre yaka mishto hi, har leskro phouro dad, o David, ninna kras.

2. Familjakro liil 17:3

Oun o Yosafat djas ap o Debleskro drom har glan leste leskro phouro dad, o David. Oun nashas gar i moule deblenge palla, hoy kharenn Baal. Doleske his o baro Devel pash leste.

2. Rajengro liil 22:2

Oun yob kras, hoy mishto hi glan o baro Debleskre yaka, oun djas o drom, kay leskro phouro dad o David ninna djas, oun peras gar kava dromestar tele, gar ap i čači rig oun vitar gar ap i servi rig.

2. Rajengro liil 18:3

Oun yob kras, hoy glan o baro Debleskre yaka mishto hi, har leskro phouro dad, o David, ninna kras.

2. Rajengro liil 15:34

Oun yob kras, hoy glan o baro Debleste mishto his, yaake har leskro dad o Usiya les kras.

2. Rajengro liil 15:3

Oun yob kras, hoy glan o baro Debleskre yaka mishto his, yaake har leskro dad, o Amazya.

2. Rajengro liil 14:3

O Amazya kras, hoy mishto his glan o baro Debleskre yaka. Kokres har leskro dad David his lo gar, na-a, yob his yaake har leskro dad Yoash oun djivas ninna yaake.

1. Rajengro liil 15:3

Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Rajengro liil 9:4

Oun tou, te djiveh tou glan mande, har tiro dad, o David, glan mande djivas i djoudjo djiyeha oun kek rhorhepah, oun kreh halauter yaake, har me touke penom, oun mire laba rikreh, oun pal miro čačepen djiveh,

1. Rajengro liil 3:14

Oun te djah tou an mire dromma, yaake har tiro dad, o David, oun rikreh mire laba oun kreh, hoy toutar kamau, palle kamau me touke i lengsto djipen te dell.”

2. Rajengro liil 18:1

O Hoshea, koleskro dad o Ela his, his an o triinto bersh o baro ray pral o them Israel, har vas o Hiskiya o baro ray pral o them Youda. Leskro dad his o Ahas.