2. Mose 9:17 - O Debleskro Lab 2024 (Sinte-Manouche)

¹⁷ Tou patseh, tou nay kreh mire menshentsa, hoy kameh, oun moukeh len gar te djal.

O Debleskro Drom 2021 (Sinte)

¹⁷ Tu patseh, tu nai kreh mire menshentsa, hoi kameh, un mukeh len gar te djal.

2. Mose 9:17 Iomraidhean Croise

Hiob 40:9

Hi tout savi bari zoor har man? Nay rakreh tou savi zoryah har me?

Hiob 9:4

O Devel hi gosevo an peskro dji oun les hi bari zoor. Kekeske, kay las pes glan te čingrell lo leha, djas kova mishto.

2. Mose 9:16

Me moukom tout doleske djido, te dikess miri bari zoor, oun te rakrenn le mandar ap i tseli phoub.

2. Mose 9:18

Dik, taysar an ko emligo tsiro moukau brishin te dell, hoy hi har barra. Kol brishineskre barra hi yaake baro, har an o them Egiptia gar das, yaake rah kava them della.

Jesaja 10:15

O baro Devel penell: “Nay sharell pes i tover pral koleste kay leha dell? Na-a! Vitar gar hadell pes i činepaskri, hoy kasht činell, pral koleste, kay leha činell. Kova vals yaake, har te dals o kasht koles, kay les pre hadas, oun yaake har te hadals ko kotar kasht o morshes.”

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 37:29

Tiri rholi vas glan mire kanda. Tiro pre-phourdo rakepen hi prindjedo mandar. Kanna shoun, hoy touke krau: An tiro nak i goustri čivau, oun i ledertikri rima troul tiri meen pandau, oun ap ko drom, kay tou val, bičrau me tout kanna pale pale.

Jesaja 45:9

Djungeles djal koleske, kay rhoyedo hi koleha, kay les kras! Yob hi či har i kotar dran i paash dino čaro mank vavar paash dine kotya. Ko čik, dran koleste čare rhačedo venn, nay penell lo ap koleste, kay lestar čomone krell: Hoy kreh tou? Oun ko čaro, hoy lo kras, penell kova nay ap leste: Tou hayveh či!

Ezekiel 28:6

Doleske penell o baro Devel, maro ray: Tou hadal tout oun kreh, har te vals i devel,

Daniel 5:20

Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

1. Korintarja 10:22

Ma rhoyrenn o Debles! Mer ham gar zorleder har yob.