2. Mose 9:16 - O Debleskro Lab 2024 (Sinte-Manouche)

¹⁶ Me moukom tout doleske djido, te dikess miri bari zoor, oun te rakrenn le mandar ap i tseli phoub.

O Debleskro Drom 2021 (Sinte)

¹⁶ Me mukom tut doleske djido, te dikess miri bari soor, un te rakrenn le mandar ap i tseli phub.

2. Mose 9:16 Iomraidhean Croise

2. Samuel 7:23

Oun kay hi menshe ap i phoub har tire menshe Israel? Kolenge djal tou koy, te less len dran o pandepen vin, te venn le tire menshe. Ko baro oun zorelo koova, hoy tou lenge kral, kras, te val prindjedo ap i phoub. Tou tradal vavar menshen lengre deblentsa vin glan tire menshende, kay tou vin lal dran Egiptia, te venn le tire.

2. Rajengro liil 19:35

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

1. Familjakro liil 16:24

Penenn kolenge, kay les gar prindjrenna, havo raylepen les hi. Penenn i menshenge an hake themma havo baro koova yob kras.

Nehemia 9:10

Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

Debleskri gili 106:8

O baro Devel sikras, te hi lo lengro Devel, oun vas ap lengri rig, te sikrell lo peskri zoor.

Debleskri gili 64:9

Lengre laba kokres krenn, te san kolla pral lende, kay dikenn len.

Debleskri gili 76:10

har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub.

2. Mose 14:17

Me krau, te pandenn i Egiptarya pengre djia yaake, te lenn le t'menge palla. Oun me sikrau miro barepen oun miri zoor ap o Farao, ap leskre vourdya oun ap leskre kourepangre.

2. Mose 14:4

Palle pandau me leskro dji, te lell lo len palla. Oun me sikrau miro barepen oun miri zoor ap leste oun ap leskre tsele lourdende. Oun i Egiptarya hayvenn: Me hom o baro Devel.” Oun i Israelitarya kran yaake har o Mose lenge penas.

2. Mose 18:11

Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

2. Mose 9:15

Me nay hadoms glan rah tsiro miro vast pre oun doms tout i nasslepah temerl, tout oun tire tsele menshen, yaake te vans t'mendar kek bouder ap kay phoub.

2. Mose 9:17

Tou patseh, tou nay kreh mire menshentsa, hoy kameh, oun moukeh len gar te djal.

Gosewe laba 16:4

Lauter, hoy o baro Devel kras, hi čomoneske, ninna kras lo o čilačo menshes ko diveske, kay i bibarht vella.

Jeremia 32:20

Tou sikral tiri bari zoor oun kral baro koova, hoy kek vavar nay krella, har mare phoure an o them Egiptia his bis ap kava dives. Kova kral tou ap i Israelitarya, oun ap i vavar menshende ninna. Yaake vas tiro lab prindjedo, har kava dives hi.

Ezekiel 39:21

Oun me sikrau i menshenge an vavar themma, har baro oun raylo me hom. Halauter dikenn, har me o čačepen vin krau pral o Gog, oun havi zoryah dau les oun leskre lourden pengri phagi.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

4. Mose 14:21

Yek koova hi yaake čačo har me djivau, oun i tseli phoub pherdo miro raylepen vell:

Remarja 9:17

An o Debleskro lab hi činlo, har moukas o Devel ap o baro rayeste pral o them Egiptia te penell: Me krom tout bares, te sikrap miri zoor ap toute, yaake te vell miro lab ap i tseli phoub prindjedo.

Remarja 9:22

Yaake hi kova ninna o Debleha. Yob kamas, te sikrell lo peskri zoor, oun te vell peskri rholi pral i menshende, kay nashedo hi. Ninna te kamas lo kova te krell, rikras lo peskri rholi i rah tsiro lendar pale.

Josua 4:24

Oun kova kras lo doleske, te dikenn i tsele natsyone ap kay phoub, har zorelo o baro Devel hi. Oun t'mer hounte rikrenn t'menge hako tsiro t'maro baro Debles glan i yaka.”

1. Petro 2:19

Te krenn t'mer, hoy o Devel kamella, oun doleske doukrenn le t'men oun čingrenn ap t'mende, ninna te kran t'mer kek čilačepen, palle sharell t'men o Devel.

Judas 1:4

Me shounom, hi menshe koy, hoy čorrhanes mank t'mende van. Kolla kamenn o Deblestar či djinell. Yon penenn, te hi o Devel lačo, oun te nay krenn le lauter, hoy yon kamenna. Yaake djivenn le i vi-ladjedo djipen, oun denn maro rayes, o Yezous Kristes, bourhoste. Kova kokres hi maro ray. Glan i rah tsiro hi činlo, te lenn yon pengri phagi.

1. Samuel 4:8

Havi bibarht! Koon nay lell men vin dran i vasta save zorele deblendar? Kolla hi kol debla, kay maran i Egiptarya an o moulo tato them.