2. Mose 9:12 - O Debleskro Lab 2024 (Sinte-Manouche)

¹² Oun o baro Devel pandas o Faraeskro dji, oun yob shounas gar ap lende. Yaake vas, hoy o baro Devel ap o Mose penas.

O Debleskro Drom 2021 (Sinte)

¹² Un o baro Dewel pandas o Faraeskro dji, un job shunas gar ap lende. Jaake was, hoi o baro Dewel ap o Mose penas.

2. Mose 9:12 Iomraidhean Croise

2. Mose 10:1

Pal kova penas o baro Devel ap o Mose: “Dja pash o Farao dren! Me pandom leskro dji, ninna i djia leskre pralstunendar, te nay krom kava baro koova an miri zoor mashkral lende.

2. Mose 10:20

Ninna kava kopo pandas o baro Devel o Faraeskro dji. Oun yob moukas i Israelitaryen gar te djal.

2. Mose 11:10

Oun o Mose oun o Aron kran ko tselo baro koova an o Debleskri zoor glan o Farao. Oun o baro Devel pandas leskro dji, te moukas lo i Israelitaryen gar dran peskro them te djal.

2. Mose 14:8

Oun o baro Devel pandas o Faraeskro dji, yaake te las yob i Israelitarya palla, har yon i hadede vastentsa barhteles vin djan.

2. Mose 4:21

Oun o baro Devel rakras ap o Moseste: “Te hal an o them Egiptia, palle kre ko tselo baro koova, hoy me tout an tiro vast dom, glan o Farao! Oun me kamau leskro dji har i bar te krell, te moukell yob gar tire menshen dran i Egiptia vin.

2. Mose 7:4

Oun o Farao shounella gar ap t'mende, ninna te vell miri rholi boud kope pral leste oun leskro them. Oun palle lau mire menshen, i Israelitarya, vin dran o them Egiptia.

2. Mose 9:7

Oun o Farao bičras morshen pash lende, te dikenn le palla, hoy i Israeltikre firhentsa hi. Oun har kolla koy his, dikan le, te meras pash lende kek lengre firhendar. Ninna kava kopo ačas o Faraeskro dji pandlo oun yob moukas i Israelitaryen gar te djal.

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

Remarja 9:18

Lauter krell lo yaake, har yob kamella. Ap koneste yob lačes kamell te vell, ap koleste hi lo lačo. Koneske yob i dji dran bar kamell te dell, koleske dell lo i dji dran bar.

Josua 11:20

O baro Deblestar vas, te kran kol menshe pengre djia har bar, yaake te djan le an o kourepen khatar o Israel, oun van halauter lendar maredo. I Israelitarya hounte van lenge gar lačes. Na-a, yon hounte dan len halauteren moulo, yaake har o baro Devel kova ap o Mose penas.