2. Mose 8:17 - O Debleskro Lab 2024 (Sinte-Manouche)

¹⁷ Te moukeh tou mire menshen gar te djal, palle moukau me vavar matsille te vell, hoy čourye denn. Yon venna pral toute oun tire pralstunende oun tire tsele menshende. T'mare khera venna pherdo matsille, hoy čourye denn. Ninna i phoub, kay i Egiptarya djivenna, vella pherdo lendar.

O Debleskro Drom 2021 (Sinte)

¹⁷ Te mukeh tu mire menshen gar te djal, palle mukau me wawar matsille te well, hoi tchurje denn. Jon wenna pral tute un tire pralstunende un tire tsele menshende. Tumare khera wenna pherdo matsille, hoi tchurje denn. Ninna i phub, kai i Egiptarja djiwenna, wella pherdo lendar.

2. Mose 8:17 Iomraidhean Croise

Debleskri gili 105:31

Yob penas, te venn matsille, hoy čourye denn, oun boud matsille van an o tselo them.

Debleskri gili 78:45

Oun yob bičras matsille an lengro them, hoy len dandran, oun djambe, hoy o them khandlo kran.

2. Mose 4:23

Oun me penau touke: Mouk miro čaves te djal, te mangell lo man an! Oun te moukeh les gar te djal, palle marau me tiro phoureder čavo.”

2. Mose 5:1

Palle djas o Mose oun o Aron pash o Farao oun penan ap leste: “Yaake rakrella o baro Devel, kay o Israeleskro Devel hi: Mouk mire menshen te djal, te djan le an o moulo tato them, oun kote sharenn le man.”

2. Mose 8:16

Oun o baro Devel penas ap o Mose: “Taysarla, te djal o Farao pash o pani Nil, dja pash leste oun pen ap leste: Kava penell o baro Devel: Mouk mire menshen te djal, te mangenn le man an!

Jesaja 23:9

O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.