2. Mose 8:14 - O Debleskro Lab 2024 (Sinte-Manouche)

¹⁴ I dourkepangre kaman kova ninna pengri zoryah te krell. Oun yon hayvan les gar. Oun i matsille his ap i menshende oun ap i firhende.

O Debleskro Drom 2021 (Sinte)

¹⁴ I durkepangre kaman kowa ninna pengri sorjah te krell. Un jon haiwan les gar. Un i matsille his ap i menshende un ap i viechende.

2. Mose 8:14 Iomraidhean Croise

1. Rajengro liil 18:26

Kote lan yon ko gouroum, hoy dan le len, maran les, činan les khetne oun čivan les ap o kasht, oun kharan o Baales taysarlakro bis mashkral-dives oun penan: “Baal, shoun ap mende!” Kek rakepen vas, kek rakras ap lende. Oun yon khelan troul pengri rhačepaskri, kay yon penge kran.

1. Rajengro liil 18:29

Har o mashkral-dives trouyel djas, his yon bouder gar pash pende, oun khelan bis ap ko tsiro, kay rati o Debleskro rhapen anlo vell. Kek rakepen vas, kek lab, vitar kek sikepen.

2. Mose 7:21

Oun i mače an o Nil meran. Oun o Nil vas khandlo oun khandas yaake zoreles, te nay piyas kek Egiptari o pani dran o Nil. Oun o rat his an o tselo them Egiptia.

2. Mose 8:13

Oun yaake kran le kova: O Aron hadas peskro kasht, oun das an i čik ap i phoub. Kote van i matsille pral i menshende oun firhende. I tseli čik vas matsille an o tselo them Egiptia.

2. Mose 8:15

Kote penan i dourkepangre ap o Farao: “Kava hi o Debleskro vast!” Ninna kanna rikras o Farao peskro dji pandlo oun shounas gar ap lende. Yaake vas, hoy o baro Devel penas.

2. Mose 8:24

Kote penas o Farao: “Me moukau t'men te djal, te nay marenn firhen leske an o moulo tato them. Ma djan yaake dour krik! Oun mangenn t'maro Debles mange!”

2. Mose 9:11

Kava kopo nay van i dourkepangre gar glan o Mose, te krenn le yaake har yob. Ko djoungelo nasslepen his ninna ap lende har ap hako Egiptari.

Jesaja 19:11

I pralstoune dran o foro Soan hi dinele, i goseve rakepangre o baro rayestar Farao penan leske narvelo koova. Har nay penenn le leske: Mer ham i čave goseve morshendar, mare phoure his bare raya an o phouro tsiro?

Jesaja 34:2

O baro Debles hi i bari rholi ap i tsele themma lengre boud lourdentsa. Oun yob kras pash peste vin, te hounte merenn le, oun das len an i vasta kolendar, kay marenn len.

Ezekiel 39:11

An ko dives dau i platsa an o them Israel, kay vell o Gog paskedo. Koya hi koy tala, hoy kharell Abarim, oun hi pash o baro pani ap koy rig, kay o kham pre djala. Kote vell yob peskre boud lourdentsa paskedo. Doleske nay djan kolla, kay ap i raysa hi, bouder gar vergel. Koy tala vell kharedo Tala Hamon Gog.

Joel 2:20

Oun me tradau kol boud lourden krik t'mendar, kay venn koy rigyatar, kay norden hi. Kolla lendar, kay djan glanstounes, tradau an o Moulo Baro Pani, oun kolla, kay venn palstounes, tradau an o Mashkralstouno Baro Pani; oun i tsele vavar lourden tradau an i divyo tato them. Kote merenn le. Oun lengri khand djal pre. Yaake lenn le pengri phagi ko boud čilačepaske, hoy le kran.