2. Mose 7:3 - O Debleskro Lab 2024 (Sinte-Manouche)

³ Me kamau leskro dji har i bar te krell, yaake te nay krap boud baro koova an o tselo them Egiptia, te sikrap miri bari zoor.

O Debleskro Drom 2021 (Sinte)

³ Me kamau leskro dji har i bar te krell, jaake te nai krap bud baro koowa an o tselo them Egiptia, te sikrap miri bari soor.

2. Mose 7:3 Iomraidhean Croise

Nehemia 9:10

Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

Debleskri gili 135:9

oun sikras baro koova oun peskri bari zoor ap toute, Egiptia, oun ap tiro baro ray oun leskre tsele boudepangre.

Debleskri gili 78:12

Glan lengre phourende kras yob baro zorelo koova an o them Egiptia, pash o foro Soan.

2. Mose 11:10

Oun o Mose oun o Aron kran ko tselo baro koova an o Debleskri zoor glan o Farao. Oun o baro Devel pandas leskro dji, te moukas lo i Israelitaryen gar dran peskro them te djal.

2. Mose 11:9

Yaake vas kova čačo, hoy o baro Devel penas ap o Mose: “O Farao shounella gar ap t'mende, yaake te krau boud oun baro koova, oun sikrau miri zoor an o tselo them Egiptia.”

2. Mose 14:4

Palle pandau me leskro dji, te lell lo len palla. Oun me sikrau miro barepen oun miri zoor ap leste oun ap leskre tsele lourdende. Oun i Egiptarya hayvenn: Me hom o baro Devel.” Oun i Israelitarya kran yaake har o Mose lenge penas.

2. Mose 3:20

Doleske čivau bari bibarht ap i Egiptarya, oun krau baro koova mank lende, hoy sikrella miri zoor. Pal kova moukenn le t'men te djal.

2. Mose 4:21

Oun o baro Devel rakras ap o Moseste: “Te hal an o them Egiptia, palle kre ko tselo baro koova, hoy me tout an tiro vast dom, glan o Farao! Oun me kamau leskro dji har i bar te krell, te moukell yob gar tire menshen dran i Egiptia vin.

2. Mose 4:29

Oun khetne djan le an o them Egiptia oun dan i phoureden i menshendar Israel khetne gole.

2. Mose 4:7

Oun o baro Devel penas ap leste: “Čip tiro vast pale tel i plaashka!” Oun yob čivas peskro vast pale tel i plaashka! Oun har las lo les pale vin, his o vast pale sasto.

2. Mose 7:13

Har dikas o Farao kova, ačas leskro dji pandlo, oun yob shounas gar ap lende. Yaake vas, hoy o baro Devel penas.

2. Mose 9:16

Me moukom tout doleske djido, te dikess miri bari zoor, oun te rakrenn le mandar ap i tseli phoub.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Micha 7:15

Mouk men tiri zoor te dikell, ko zorelo koova hoy menge kral, har mare phoure dran o them Egiptia djan,

Johanni 4:48

O Yezous penas ap leste: “Te dikenn t'mer gar boud Debleskro koova, kay kek mensho nay krella, patsenn t'mer gar.”

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

Bičepangre 7:36

Kava Mose anas i Israelitaryen vin oun kras baro oun zorelo koova an o Debleskri zoor an o them Egiptia, oun pash o lolo pani, oun star-deesh bersha an o moulo them.

Remarja 15:19

Oun yob sikras peskri zoor, har kras o Debleskro Dourho baro koova, hoy kek vavar nay krella. Yaake penom o lačo lab o Yezous Kristestar an o tselo them troul o foro Yerusalem bis an o them Illirikum.

Remarja 9:18

Lauter krell lo yaake, har yob kamella. Ap koneste yob lačes kamell te vell, ap koleste hi lo lačo. Koneske yob i dji dran bar kamell te dell, koleske dell lo i dji dran bar.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

5. Mose 7:19

T'mer dikan, har lo peskri bari zoor sikras, oun kras sau koova, hoy kek vavar nay krell, oun anas boud bibarht ap i Egiptaryen. Peskro zorelo vasteha oun peskri pre-hadedi moussyah anas lo t'men vin. Yaake krell t'maro baro Devel i menshentsa an i tsele themma, kolendar t'mer darenn.