2. Mose 7:19 - O Debleskro Lab 2024 (Sinte-Manouche)

¹⁹ Oun o baro Devel penas ap o Mose: “Pen ap o Aron: Le tiro kasht oun rike tiro vast pral i panya an o them Egiptia: pral i panya, hoy nashenna oun pral o pani, hoy tardo hi. Yaake te vell o tselo pani rat an o tselo them Egiptia. Ninna an i khore dran kasht oun bar hi palle rat dren.”

O Debleskro Drom 2021 (Sinte)

¹⁹ Un o baro Dewel penas ap o Mose: “Pen ap o Aron: Le tiro kasht un rike tiro wast pral i panja an o them Egiptia: pral i panja, hoi nashenna un pral o pani, hoi tardo hi. Jaake te well o tselo pani rat an o tselo them Egiptia. Ninna an i khore dran kasht un bar hi palle rat dren.”

2. Mose 7:19 Iomraidhean Croise

1. Mose 1:10

Oun o Devel penas: “Ko trouk them kharella phoub.” Oun kova, kay o pani khetne hi, kharas lo baro pani. Oun o Devel dikas, kay kova mishto hi.

2. Rajengro liil 4:29

O Elisa penas ap o Gehasi: “Čip tiro pereskri dori troul toute, oun le miro lengsto kasht an tiro vast, oun dja an Shounem! Te tapreh yekes ap o drom, ač gar tardo, te rakress leha! Oun te kamell yek touha te rakrell, le touke kek tsiro leske! Oun čip miro lengsto kasht ap ko čaveskro mouy!”

2. Mose 10:12

Kote penas o baro Devel ap o Mose: “Hade tiro vast pral o them Egiptia pre, te venn i stepangre pral o tselo them, oun rhan lauter hoy pral ačas, har o barrengro brishin ap o them peras.”

2. Mose 10:21

Kote penas o baro Devel ap o Mose: “Hade tiro vast pre pash o bolepen! Palle vell savi kali rat pral o tselo them Egiptia, kay dikeh nay tiro vast gar glan i yaka.”

2. Mose 14:16

Tou, hade tiro kasht pre oun tiro vast pral o baro pani, te krell lo pes pre oun djal ap douy rigya. Yaake te nay djan i Israelitarya mashkral o baro pani ap i drom, hoy gar sapenes hi.

2. Mose 14:21

Oun o Mose hadas peskro vast pral o baro pani. Oun o baro Devel moukas i baro zorelo dourho pral o pani te phourdell, hoy vas kotar, kay o kham pre djal. Ko dourho phourdas i tseli rat. Oun o baro pani djas pale. Kote, kay pani his, hi kanna phoub, hoy gar sapenes hi. Oun o baro pani kras pes pre, te vas i drom.

2. Mose 14:26

O baro Devel penas ap o Moseste: “Hade tiro vast pral o baro pani, te vell o pani pale oun perell ap i Egiptarya, lengre vourdya oun kourepangre.”

2. Mose 4:9

Oun te patsenn le tout pale gar, ninna te dikan le ko baro koova, hoy krom o kashteha oun o vasteha, oun shounenn gar koy pre, hoy tou lenge peneh, palle le pani dran o Nil, oun čore o pani ap i phoub! Palle vell ko pani rat.”

2. Mose 8:16

Oun o baro Devel penas ap o Mose: “Taysarla, te djal o Farao pash o pani Nil, dja pash leste oun pen ap leste: Kava penell o baro Devel: Mouk mire menshen te djal, te mangenn le man an!

2. Mose 9:33

Palle djas o Mose vin dran o Faraeskro kheer oun dran o foro, oun hadas peskre vasta pre ap o baro Debleste. Oun o bolepen das bouder kek gole. Oun bouder kek barrengro brishin peras tele. Oun kek depen das bouder ap i phoub.

Jesaja 19:10

Oun lauter, ap hoy le pen yaake rikran, hi khetne dino. Hakeneske, kay lovenge boudras, hi ropaske.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Habakuk 3:8

Baro Devel, his tout i rholi ap i zorele panya? Val tou rhoyedo pral o baro pani, har klissal tou vin tire grayentsa, oun tire kourepangre vourdya zorleder his har hake vavar?